За 3 дена 7.300 члена

Професорката Ќупева предупредува: Порнографија меѓу средношколците, групата веќе има 7.300 членови

Институциите се на потег. Ова е аларм за сите нас - најмногу родителите, па училиштето и целата заедница. Пред очи ни се случува дегенерација на новата генерација млади и општ пад на моралот на сите нивоа, алармира професорката Тамара Ќупева за групата „Јавна соба“ која деновиве се појави на Интернет и  се шири со неверојатна брзина меѓу среднпшколците во Скопје и другите градови, а на која се споделуваат порнографски содржини.

Станува збор за група која е креирана на апликацијата Телеграм, а комуникацијата е идентична и на Вибер, предупредува Ќупева, професорка во гимназијата „Орце Николов“ во Скопје.

Еве што Ќупева пишува во својот Фејсбук-статус:

„За неполни три дена се зачлениле повеќе од 7.300 членови. Членовите на оваа група, во слободна, отворена ( вулгарна) комуникација со другите членови, споделуваат и коментираат експлицитни фотографии од девојчиња од различни градови. Тоа се најчесто оригинални порнографски слики и видеа.

Дел од тие фотографии се лажни, но се поврзуваат со конкретни имиња, така што девојчето - жртва нема можност да докаже дека таа не е всушност девојката на фотографијата.

Ова е група во која се споделуваат фотографии од малолетни девојчиња, од 12, 13 години и малку поголеми. Фотографиите се преземени не само од отворени Инстаграм профили,  туку и од приватни пораки меѓу двајца соговорници (девојчиња кои претходно испратиле приватни интимни фотографии до свои пријатели).

Во оваа група може да се пристапи со лажен профил, па во неа веројатно има и возрасни лица.

Прегледот на оваа група покажува дека ова е платформа во која се објавуваат порнографски материјали на малолетни девојчиња и тоа со име и презиме или само со име и место на живеење.

Секој член на групата може да ја зачува објавената фотографија и истата да ја користи за свои цели.

Институциите се на потег !!! Ова е аларм за сите нас - најмногу родителите, па училиштето и целата заедница. Пред очи ни се случува дегенерација на новата генерација млади и општ пад на моралот на сите нивоа. Ова е крајно загрижувачка, сериозна опомена дека децата, воспитанието и нивното образование се најзапоставените приоритети.

Очигледно е дека во нашата лична, секојдневна и поширока, општествена агенда - тие дефинитивно се на последното место“, алармира Ќупева.

„Најтешката задача на модерното воспитување е да му се помогне на детето да се препознае како вредност во својата дигитална, матрикс – генерација“, напиша неодамна во колумната за МКД.мк д-р Тамара Ќупева.

Брегзитот, односно напуштањето на Велика Британија на ЕУ, без сомневање ќе влијае врз градењето на новата политичка архитектура во Европа, со нова поделба на интересни зони на стариот континент.

повеќе

Германската канцеларка Ангела Меркел, меѓу другите, беше гневна; Балканот помодре од бес. ЕУ сега се обидува да го натера Макрон да го тргне ветото пред Европскиот самит во март.

повеќе

Мојата заложба е конечно законите и прописите наместо инструмент за спроведување лични интереси, да ја добијат вистинската функција, заштита на интересите на граѓаните. За жал...

повеќе