Oбложувалниците се против најавените нови давачки и се плашат дека ќе мора да стават клуч на врата

Новите месечни давачки, најавите за зголемување на цената на чинење на лиценците и банкарските гаранции ги кренаа на нозе сопствениците на обложувалниците кои преку отворено писмо до јавноста упатуваат апел до надлежните од можното принудно затворање на бизнисот.

Асоцијацијата на спортски обложувалници (АСОМ) се незадоволни од воведувањето на дополнителен минимален паушал на постоечките 23%, со што практично посебните давачки на спортските обложувалници кон државата се зголемуваат на 35 до 40 отсто. Со новите предложени измени во Законот за игри на среќа и за забавните игри, апелираат од АСОМ, бизнисот ќе им стане невозможен.

„Членките на оваа асоцијација вработуваат околу 3.000 луѓе и преку 1.500 лица индиректно заработуваат од нашата индустрија. Соочени со претходно најавените зголемени лиценци, гаранции, казни и воведеното минимално растојание од образовните установи, најмалку 30 отсто од нашите објекти ќе треба да се затворат, а тоа значи помалку вработени околу 1.000 лица. Тоа значи дека и приходите што од нашите компании се слеваат во Буџетот на РМ ќе се намалат за 20-30 отсто. Сега, со воведувањето нови и нелогични давачки, веќе се заканува опасноста од целосно принудно згаснување на овој бизнис“, велат од АСОМ.

Во измените на законот се предлага воведување на давачка, т.н. „минимален праг“ од 1.600 евра по уплатно-исплатно место на месечно ниво, паралелно со посебната давачка од 20 отсто плус 3 отсто за спорт, од бруто-приходот (разлика од уплата и исплата), која е предвидена во сегашното законско решение.

АСОМ бара целосно да се отфрли оваа нова давачка која ги крева месечните давачки за безмалку 40 отсто во споредба со сегашните. „Доколку, пак, се инсистира на воспоставен минимален праг, треба да се предвиди навистина реална минимална давачка, која е математички поткрепена, неколкукратно помала од предложеното“, пишува во писмото на АСОМ и се додава дека посебната давачка што и досега ја плаќаат, 23 отсто од бруто-приходот, е една од највисоките можни давачки во Европа.

 

Република Македонија треба да понуди законска можност за реализација на правото на приватен и семеен живот за истополовите партнери.

повеќе

Умре Милена Дравиќ. Да живеевме во некое друго време, во некоја друга земја, таа вест ќе се прикажеше на екраните на југословенските телевизии, како што ни се прикажа веста за смртта на Тито.

повеќе

Во кичестиот амбиент на магичното Скопје, каде што се изградени огромни споменици на Александровите фалангисти, а знамето на НАТО се вее пред зградата на Генералштабот, во градот поделен на македонски и на албански дел, лебди Бизмарковата геополитичка визија: оној што ја контролира долината на реката Вардар, станува господар на Балканот.

повеќе