Не молчи, не трај, СТАВИ КРАЈ

Maкедонските поп-ѕвезди за крај на насилството врз жени и девојчиња (ВИДЕО)

Во рамки на кампањата 16 дена активизам против насилство врз жени и девојчиња, македонските поп-ѕвезди лансираа песна која ги обединува нашите гласови за ставање крај на насилството.

Секоја втора жена во земјава се соочила со психолошко насилство од партнерот, секоја трета била жртва на сексуално вознемирување додека 14 отсто од жените се соочиле со физичко или сексуално насилство, покажува последното истражување за насилство врз жени, предводено од ОБСЕ. Последица на пандемијата е и порастот на случаите на домашно насилство каде најголем број од жртвите се жени.

„Не молчи, не трај, СТАВИ КРАЈ!“ е годинешното мото со кое Македонија се приклучува на глобалната кампања „Обој го светот во портокалово за крај на насилството врз жени и девојчиња, сега!“.

Во рамки на кампањата, одекнуваат моќно гласовите на македонските поп ѕвезди Тамара Тодевска, Дани Димитровска, Антонија Гиговска, Светлана Јовановска, Џон Илија Апелгрин, Лука Ѓоргиевски (Фанк Шуи) и Бранко Николов (Фолтин) во песната „Очи црни“ во аранжман на Џијан Емин и препев на Диме Поповски и Васиа Поповска, со која тие сакаат да ги поканат сите мажи и жени да излезат и да пеат, да бараат, да кажат јасно, да кажат гласно  – не молчи, не трај, СТАВИ КРАЈ!

Семејството на Обединетите нации, Европската Унија и Мисијата на ОБСЕ традиционално ги здружуваат силите за 16 дена активизам против родово-базирано насилство, кампања која има за цел ставање крај на насилството врз жени и девојчиња и трае од 25 ноември – Меѓународниот ден за елиминација на насилство врз жени и девојчиња па сè до 10 декември – Меѓународниот ден на човекови права.

На централниот настан во кампањата кој се одржа на 2 декември во Филхармонија, ЕУ амбасадорот Дејвид Гир истакна дека Македонија како потписник на Истанбулската конвенција е посветена на постигнување на родовата еднаквост, преку унапредување на правата на жените и превенирајќи ги сите форми на родово насилство. Овој јануари земјата постигна важен прогрес, со усвојувањето на Законот за заштита од насилство врз жените – рече тој, додавајќи дека ЕУ ќе продолжи да биде поддршка во борбата на Македонија кон родовата еднаквост. На настанот,  Росана Дуџак, постојаниот координатор на ОН во Македонија, посочи дека триесет години по основањето на иницијативата за „16 дена против насилство“, време е свеста да ја трансформираме во акција, како и дека „насилството врз жените и девојчињата не е неизбежно. Може да се сопре! Мора да се сопре!“

Tочната искористеност и капацитет на водните ресурси во државата e невозможно прецизно да се пресмета заради недостиг на континуирани хидролошки мерења и мониторинг на квалитетот на водите.

повеќе

Нам бизнисмените не ни требаат ниту уставни преамбули ниту некакви параграфи за да ги почитуваме Република Бугарија и нејзините граѓани. Ние некого почитуваме доколку прави профит, плаќа даноци и доколку е општествено одговорен.

повеќе

Зголемувањето на цените на храната се случува од причини кои се многу посложени отколку зголемувањето на другите цени, така што справувањето со тие причини бара различни стратегии. 

повеќе