Реакција

М-НАВ ги демантира обвинувања за можен судир на два авиона

Од дозволената сепарација од осум километри хоризонтално, двата авиона споменувани на TВ Сител и во неколку портали, се доближиле на шест километри што претставува далеку од каква било можност за судир, се истакнува во соопштението на М-НАВ АД Скопје кои најостро ги демантираат обвинувањата дека во мај годинава бил можен судир на два авиона над македонското небо.

„Настанот е уредно пријавен до АЦВ и испитан за што се преземени мерки согласно законските прописи. Ваквите настани се случуваат во авијација и истите се предвидени во безбедносните таргети“, појаснуваат од македонската авијација.

Според нив, изјавите од таканаречените свиркачи – експерти, претставуваат еклатантен пример за непознавање на постапките и процедурите во воздухопловството, поради фактот што ниту еден настан не може да се сокрие заради обврската за негово пријавување од контролорите на летање, но и од пилотите на авиокомпаниите.

Од М-НАВ појаснуваат дека секоја пријава за намалено растојание помеѓу воздухоплови  на минимално пропишаните норми, се класифицира според европските норми и истите се пријавуваат од страна на контролорите на летање на посебни формулари, што е во согласност со позитивната домашна законска регулатива и европска пракса во воздухопловството.

Воздухопловната навигација, информираат од М-НАВ, во последните две години бележи одлични резултати во растот на сообраќај, кој е повеќе од 40 проценти.

„Секоја година имаме надминување на рекордот во делот на број на прелети на ден, што беше случај и претходната сабота, 29 јуни 2019 година, кога повторно го надминавме рекордот и достигнавме 1.042 прелети на ден. Паралелно со ова зголемување на сообраќајот пораснаа и финансиите на друштвото за повеќе од пет милиони евра во периодот од две години што е резултат на посветеноста и работата на директните чинители во давањето на услугите во водухопловната навигација, Секторот за воздухопловна навигација предводен од новото раководство, истакнуваат од М-НАВ. 

ЕУ, свесна за демократскиот дефицит на земјите од Западниот Балкан (но и останатите, претежно економски проблеми), како да тежнее кон формирање блиски, но и специфични односи со овој регион, без полноправно членство.

повеќе

Нарушени се човековите права и слободи, нема владеење на правото и правосудството, кои треба да бидат основа на процесот.

повеќе

Поентата на глобализмот е максимално економско вмрежување во десетици економски сојузи на секоја држава.

повеќе