УТРЕ

Карпошовци иницираат нов протест и блокирање на „Партизанска“: Стоп за новите ДУП-ови!

Жители од Карпош здружени преку иницијативите „Ние сме Карпош 4“, „Зелено Тафталиџе“ и друг локални граѓани сметаат дека е неопходно уште еднаш да се алармара за, како што велат, самоволието на локалната самоуправа на општината Карпош. Сметаат дека општинарите на нетранспарентен начин и со негрижа за интересот на граѓаните се обидуваат да интервенира во урбанистичкиот план, а во интерес на профитерскиот урбанизам.

Својот револт карпошовци ќе го артикулираат преку настан „Марш за зелен Карпош“ кој ќе биде со протестен дух и ќе се осврне на прашањата за зачувување на животната средина и граѓанското учество во одлуките на општината.

Протестниот собир ќе започне утре по 18 часот, со блокирање на раскрсницата на „Партизанска“ кај трговскиот центар „Сити Мол“, а потоа поворката по извесно време ќе се упати кон паркот на улицата „Букурешка“ во населбата Тафталиџе 1. За овој парк велат дека е под закана за уништување со изградба на зграда, па на лице место ќе се одржи отворена дискусија.

Од иницијативите ги посочуваат и барањата до градоначалникот на Општина Карпош, Стевчо Јакимовски, за кој велат е нарачател на планот, и Советот на Општината, како орган кој ги носи одлуките за усвојување на деталните урбанистички планови.

„Прво - стопирање на новите ДУП-ови (ДУП - Детален урбанистички план) за општина Карпош. Второ - спречување реализација на дел од ДУП за Градска четврт З 06, опфат помеѓу бул. Партизански одреди, ул. Московска, бул. Македонија и бул. 8ми Септември, поточно за ГП 5.44, со кој на местото на паркот на Букурешка ќе изникне зграда. Трето - суштинско интегрирање на граѓаните во одлуките кои влијаат на нивните секојдневни животи“, соопштуваат од иницијативите од Карпош.

Карпошовци велат дека во овие политички околности е важно да не се заборави дека граѓаните мораат да останат будни.

„Мораме активно да се залагаме за учество во одлуките на општината и да ја примораме да работи во наш интерес. Карпош кој ние го знаеме ќе престане да постои доколку не се избориме за зеленилото, за чистиот воздух, за јавниот простор. Карпош е на граѓаните, а не на инвеститорите! За будни граѓани! За Зелен Карпош!“, стои во соопштението за утрешниот настан. 

 

Освен тоа што муралите се моќно средство за комуникација, тие можат да бидат и предмет на манипулации, па и пропаганда, подигање тензии и продлабочување на недоразбирањата во БиХ.

повеќе

Процесот на донесување на буџетот ме потсетува на една изрека на поранешниот државен секретар на трезорот на САД, Џејкоб Лу (Jacob Lew) кој вели дека „Буџетот не е само колекција на бројки, туку израз на нашите вредности и аспирации“.

повеќе

Конески со голема дарба и со рационална мисла, создаде комуникативна поезија, создаде за македонските генерации образец на читлива литература.

повеќе