ГРОМ и официјално веќе не е дел од коалицијата со ВМРО-ДПМНЕ

По недоразбирањата во Советот на Општина Карпош, ГРОМ и официјално донесе одлука за напуштање на коалицијата со ВМРО-ДПМНЕ, најави дека и понатаму ќе дејствува како опозиција, а на наредните парламентарни избориу и најавува дека ќе се подготвува за самостоен настап на следните парламентарни избори.

Лидерот на партијата и градоначалник на Карпош Стевчо Јакимовски пред една недела најпрво ја прекина соработката со ВМРО-ДПМНЕ на општинско ниво. Тогаш Јакимовски изјави дека како градоначалник се соочува со опструкции, подметнувања, омаловажувања и навреди од коалицискиот партнер, а за прекинот на соработката го обвини директно Христијан Мицкоски, лидерот на ВМРО-ДПМНЕ.

Советниците на ВМРО-ДПМНЕ во Општина Карпош се спротивставија на планот на градоначалникот да се гради 28-катница во близина на Воената болница.