НОЌВА И УТРОВО

Град Скопје на минус 12 фрли 250 тони сол, која функционира до минус 6

Екипите на зимската служба на Град Скопје ноќва и утрово фрлиле 250 тони сол на градските булевари и улици за да спречат појавување голомразица, но потсетуваат дека индустриската сол има ефект до минус 6 Целзиусови степени. Ноќва температурите стигнаа и до минус 15 степени.

Во соопштението од Градот велат дека поради ниските температури можно е појавување на голомразица на коловозот и апелираат на голема внимателност во сообраќајот.

Градот апелира до граѓаните, куќните совети и сопствениците на деловните објекти да се придржуваат до законската обврска за чистење на снегот од приодите до нивните објекти.

Додека од JП „Комунала хигиена“ апелираат општините да ја реализираат нивната обврска за чистење на улиците кои се во надлежност на општините и апелира за поголема ажурност во оваа област, со цел непрекинато собирање на комуналниот смет.

Градот вели дека нивните екипи интензивно работат на терен на расчистување на градските улици и булевари по обилните врнежи на снег што почнаа изминатава вечер.

Град Скопје вели дека во нивна надлежност се булеварите и одредени градски улици, а преостанатите улици се во надлежност на општините и тие се задолжени за нивно чистење и одржување.

Измените во законот за минимална плата е трул компромис меѓу социјал-демократите и бизнис-лобито во Владата.

повеќе

Македонската јавност е во исчекување од најавата на министерот Оливер Спасовски дека МВР ќе ги истражува сите агенции за обезбедување поради поврзаност со рекетарство.

повеќе

Сите овие промашувања на Груевски имаат едно заедничко - дирекно ја загрозија државноста на Република Македонија.

повеќе