Алудирајќи на коронавирусот

Скопјанец со ксенофобичен напад кон туристи од азиско потекло во центарот на градот

Скопјанец вербално нападнал туристи од азиско потекло во центарот на градот, а во негово име се извини градоначалникот Шилегов. 

На социјалните мрежи се појави видео направено од засега непознато лице, на кое може да се види и слушне како скопјанец вербално напаѓа група од неколку лица од азиско потекло во центарот на Скопје, на кејот на реката Вардар..

Лицето ја именува групата со „корона“, алудирајќи на вирусот кој се појави во Кина, ги псуе лицата и им порачува да се вратат во Кина. 

За настанот на својот ФБ профил се огласи градоначалникот на Град Скопје Петре Шилегов кој ги повикува надлежните да поведат истрага за овој инцидент бидејќи, како што рече, остава сериозна дамка врз угледот на градот и земјата.

„Денешниот ксенофобичен испад на наш сограѓанин кон туристите во центарот на Скопје е срам за градот и земјата и е спротивност на се' што Скопје е - град на солидарноста, космополитизмот и заедништвото. Го нудам моето најдлабоко извинување во името на сите добронамерни Скопјани“, напиша Шилего в порачувајќи им на своите сограѓани да бидат гостопримливи и да ги почестат овие туристи со насмевка и отворена душа.

Осуди за инцидентот се шират и на социјалните мрежи. 

Нашиот капацитет за справување со општи кризи е ограничен. Дали здравството е немоќно, или ние не можеме да се прилагодиме на промени?

повеќе

 За базата во Ново Село, Бугарија не добива ни долар за закупнина, а отворени се и бројни прашања за животната средина.

повеќе

Се поставува прашањето, дали треба да се жртвува слободата за сметка на жртвите кои се последица од вирусот, кој не можеме да го спречиме освен со строги санкции и мерки?

повеќе