Годинава Светиот крст во Скопје посветен на сите учесници, во знак на сплотеност и заедништво (ФОТО)

Игор Јакимовски го фати Светиот крст што архиепископот на Македонската православна црква-Охридска архиепископија, г.г. Стефан го положи во водите на Вардар во Скопје по нивното осветување.

 

На традиционалната манифестација што по повод големиот христијански празник Богојавление-Водици се одржа на мостот „Слобода“ кај хотел „Холидеј Ин“, овојпат немаше традиционално скокање туку капачите по претходен договор решија дочекувањето на крстот да го изведат заедно прегрнати во знак на сплотеност и заедништво.

„Крстот ќе биде во сите нас, ние ќе го вратиме во Црква и се одрекуваме од сите материјални награди. Оваа година имаме повеќе среќници, а не еден среќник“, порачаа капачите.

Јакимовски кој го фати крстот вели дека учествува на манифестацијата 29-ти пат и порача дека крстот е заеднички  и оти со ваквиот начин на дејствување групата покажала сплотеност.

„Денеска сите видовте како ние сплотени го направивме самиот чин за пуштањето на Светиот крст, така што сосема случајно дојде во моите раце, меѓутоа верувајте тоа е како да паднал во сите раце на сите верници што беа долу во водите. Тука се сите момци, заедно  прославуваме, јас ја имав таа чест да дојде во моите раце, тие ме испочитуваа како буквално јас да сум го фатил, но тоа е наш заеднички крст и покажавме една сплотеност во  овие како да ги кажам тешки времиња, така што ќе продолжиме да бидеме понатаму и се надевам дека ќе живееме една година што ќе биде безгрижна и година на враќање во нормала“, изјави Јакимовски.

Оној што ќе го фати Светиот крст се верува дека ќе го следи благослов и среќа во текот на целата година. Фаќањето на крстот значи соединување на човекот со Христа, а се верува дека со спуштањето на крстот водите се осветуваат и стануваат лековити.

Празнувањето на Богојавление почна со празнична литургија во храмот Рождество на Пресвета Богородица во девет часот, по што литијата од храмот се упати до мостот „Слобода“ и беше извршен големиот богојавленски водосвет.

На овој ден, според христијанското предание Свети Јован Крстител го крстил Исус Христос во реката Јордан.

 Фото: Роберт Атанасовски

За пишувањата на Хари Костов за проблемите на државата – ако компетентен човек зборува за нефункционирањето на правната држава, кое има директен одраз врз економијата, не може тоа да се заврши со охридскиот уличен жаргон.

повеќе

Колку и да сакаме Украинците да добијат целосна правда, на ерата на славни војни, несомнени победи и чисти порази ѝ дојде крајот. 

повеќе

Македонскиот народ мора да ја заштити автокефалноста на својата Македонска православна црква - Охридска архиепископија, како еден од носечките елементи на неговиот идентитет, од сите загрозувања од Фанар, од СПЦ и другите меѓународни црковни и други чинители. Време е за нов Македонски црковно-народен собир, како во 1945 година.

повеќе