Бочварски: Советот на Општина Центар треба сама да донесе одлука за или против суспензија на планот кај Холидеј ин

Деталните урбанистички планови ги креираат општините, тие се на некој начин во сопственост на општините, а Министерството за транспорт и врски е само контрола, така што одлуката е на Општина Центар, која треба да ја донесе денеска на седница на Советот и да ја достави до Министерството, дали ќе бара суспензија. Ова денеска го изјави министерот за транспорт и врски Благој Бочварски.

Тој вели дека имал средба со градоначаникот на општина Центар утрово на која бил информиран дека ќе се одржи седница на Советот и дека ќе донесат своја одлука.

„Имавме средба и состанок изутринава на којшто сум информиран дека денеска Општина Центар  на седница на Совет ќе донесе своја одлука како да постапи во однос на ова прашање, а веднаш потоа таа одлука, претпоставувам ќе ја информира јавноста, а секако и нас. Доколку е во насока на суспензија на одреден план ќе треба да достават елаборат до Министерството за транспорт и врски на којшто ние ќе треба да дадеме наше мислење. Доколку се работи на суспензија на цел план, има можност за суспензија од 12 месеци додека се донесе новиот план. Доколку се работи на суспензија на само еден дел од тој план, тогаш има можност за шест месеци да биде суспендиран тој план и во тие шест месеци да се донесе промената која што би била адекватно и соодветно за таа матична општина. Ние ги очекуваме одлуките на таа матична општина“, појасни Бочварски.

Тој додаде дека министерството има рок од 15 дена да дадат свое мислење на тоа и повторно се враќа во Советот на Општината на конечна одлука.

„Ја очекуваме одлуката на Општина Центар и ние ќе постапуваме согласно законите што ги имаме во државата“, потенцира Бочварски, додавајќи дека ДУП не носи Владата или Парламентот, туку  Советот на општината на седница, а дека тие се вклучуваат да дадат согласност за одреден план и тоа не само транспорт, туку и животна средина и катастар и други десетина институции.

Бочварски вели дека матичните ингеренции ги има Општина Центар и дека очекува нивниот интерес и интересот на граѓаните најдобро го чувствуваат тие, а ние, како што рече, секако според законите ќе носиме одлуки.

Министерот посочи дека новиот Закон за урбанистичко планирање е правен во целосна координација со јавноста, со сите политички партии, власта и опозицијата нуди можност за суспензија и дека таа суспензија и барање за суспензија треба да потекне токму од општината чија сопственост е тој план каде што се наоѓа, на чија територија, на чија општина се наоѓа, а потоа сите надлежни институции да ги дадат своите мислења во однос на суспензијата на тој план.

Во чест на Меѓународниот ден на трудот, вреди да се разгледа состојбата со работничките права во државата, да се направи краток осврт на изминатата година и да се согледа што може да се направи за да се насочат работите кон подобро.

повеќе

Таквиот вид на анахрон национал-романтизам, со речиси апологетски однос кон окупаторската политика на Бугарија во Втората светска војна, штетна е за хармонизација на односите на Балканот, пред сѐ на Бугарија со РСМ, но и со Србија.

повеќе

Некогаш да градиш на три континенти, а денес да не ја градиш сопствената држава.

повеќе