Aкција на цртање графити во Кисела Вода (ФОТО)

Во партнерска соработка помеѓу тимот на Скопје 2028 – кандидат за европска престолнина на културата, општина Кисела Вода и Графити шоп хром, викендов се реализираше акција на цртање графити насловена „Кисела Вода графити џем/Kislea Voda Graffiti Jam”.

 

Оваа акција, како што соопшти тимот на Скопје 2028, беше организирана по повод назначувањето на нов „Легален ѕид – Legal Wall” во Скопје за слободно користење од уличните уметници за цртање графити, сликање мурали, тагови и слично. Станува збор за потпорен ѕид во населба Пинтија, на булеварот Борис Трајковски, во општина Кисела Вода, во должина од 70 метри. Со назначувањето на легалниот ѕид, додаваат, општина Кисела Вода директно го подржува развојот на урбаната култура, овозможува нов простор за креација и стимулира творештво со разновиден културен израз.

„Иницијативата за назначување на легални ѕидови во градот ја разви тимот на СКОПЈЕ 2028 во соработка со претставници на скопската графити сцена. Првите два легални ѕида се назначија од град Скопје во јули годинава. Препознавајќи ја важноста на создавање нови урбани простори за уличните уметници, општина Кисела Вода иницираше именување на уште еден легален ѕид, чие назначување се реализира во соработка со Град Скопје и тимот на Скопје 2028“, се вели во соопштението.

Тргнувајќи од тоа дека уличната уметност, пред сѐ, цртањето графити во поголем дел од светот вклучувајќи и кај нас е нелегална, новиот легален ѕид во Пинтија, посочуваат, претставува уште еден легален простор за слободен уметнички израз, кој е особено важен за младите улични уметници, кои на ѕидот ќе можат слободно и безбедно и да ја развиваат својата креативност и способност за цртање.

На повик организиран од Графити шоп хром како учесници во оваа акција се пријавиле 20 македонски цртачи на возраст од 16 до 32 години, на кои им се придружиле и неколку улични уметници од Германија и Белгија. Меѓу другите во акцијата на цртање графити, водена под мотото  „Другарство” учествувале уметниците: Жута Куќа, Tac, Rask, Smooth, Esiem, Dig, Woo, Katma, Snake, Zork, Aris, Kiks, Bone, Janx, Maro, Cen2, Teazer, HoboGang. Покрај креативната акција „Кисела Вода графити џем/Kislea Voda gaffiti jam” овозможи и простор за дружење, социјализација и соработка помеѓу уметниците.

„Се надеваме дека оваа пракса ќе ја следат и други општини во градот Скопје и ќе овозможат заедно да создаваме подобар и поубав град преку создавање на нови јавни простори за уметничка креација“, наведуваат од тимот на Скопје 2028.

Овој отпад, освен тоа што ја загадува животната средина, исто така предизвикува дефекти во машините, ги оштетува контејнерите и го спречува транспортот на друг отпад.

повеќе

Нема простор за двоумење и губење време, затоа Македонија и Бугарија треба да соработуваат што е можно поскоро за да најдат јасен јазик за разбирање, во процес кој би бил следен од ЕУ, Вашингтон и ОН.

повеќе

Наместо да ги повлечат тужбите против воените инвалиди и членовите на семејствата на загинатите припадници на безбедносните сили, МВР отиде дотаму што поднесе тужби дури и против членовите на семејствата на загинатите полицајци со законска камата да ја вратат земената оштета.

повеќе