Скопје

Во индустриската зона Визбегово во ноември годинава ќе почне изградба на водоводна и канализациска мрежа за што ќе бидат инвестирани осум милиони евра, најавија при денешната посета на зоната министерот за транспорт и врски Горан Сугарески и градоначалникот на Општина Бутел Велимир Смилевски.

Заради технички зафати во дистрибутивната мрежа утре без електрична енергија од 9:00 до 13:30 часот ќе останат корисниците од с. Бродец, ЈСП репетитори Бродец, манастир Света Богородица, дел од с. Љубанци, Танушевци, Брест, Малино маало, дел од с. Мирковци, Кучевиште, Побожје како и Викендици Побожје во општина Чучер Сандево.

Повеќе од 4 часа станарите од еден од влезовите на станбено-деловниот компелкс „Скопјанка" во населбата Аеродром сѐ уште се на улица и чекаат надлежните да им дозволат да се вратат во домовите. Се чека на специјализирана екипа на АРМ за да испита која е причината за острата и непријатна миризба која околу 18,30 часот почнала да се шири во влезот од зградата.

Полициски екипи и противпожарно возило се присутни пред еден од влезовите на станбениот комплекс ТЦ Скопјанка во населбата Аеродром, кои по пријава на станари дека почувствувале мирис и печење на очи се обидуваат да откријат за што станува збор.

Општина Аеродром поднесе иницијатива до Град Скопје за изнаоѓање ново сообраќајно решение на булевар Србија за зголемена безбедност во сообраќајот. Ваквиот потег на општината следи по синоќешната сообраќајка во која почина баба, а внуката се бори за живот.  

Екипи на Јавното претпријатие „Водовод и канализација“-Скопје ја почнаа реконструкцијата на дел од водоводната цевка со пречник од 400 милиметри, односно поставување нова цевка во делот од булеварот „Србија“ во Кисела Вода, од „Енерго систем“ до пред кружниот тек за влез во Цементарница Усје АД Скопје во должиина од 450 метри.