Шилегов: Кај стариот споменик на Ќосето ќе биде засадено дрво

На местото каде што до вчеравечер беше споменикот на Андон Јанев Ќосето за кој Општина Центар констатираше дека е дивоградба ќе биде насадено дрво „за човекови права" под кое ќе биде изгравиран Членот 10 од Општата повелба за човекови права на Обединетите нации, информираше градоначалникот на Град Скопје, Петре Шилегов, додавајќи дека повеќе нема да бидат толерирани дивоградбите во главниот град.

Во врска со времето кога е отстранет споменикот, Шилегов изјави дека тоа е сторено во доцните часови за да не се кочи сообраќајот на улицата, поради трите големи возила што беа донесени за отстранувањето, како и да не се спречи работата на судовите што започнуваат со работа во утринските часови.„Постаментот од минатата влада беше поставен „шверцерски" во раните утрински часови, без никој да види, бидејќи знаеле дека е дивоградба", рече Шилегов.

Дрвото што ќе биде насадено на местото на постаментот ќе биде набавено од Нинберг и од видот гинко. Ќе бидат набавени повеќе дрвја од овој тип, кои ќе бидат насадени низ градот, а вкупната вредност на набавката изнесува 40 милиони денари.

Споменикот на Ќосето беше поставен ноќата меѓу 6 и 7 септември 2014 како дел од проектот „Скопје 2014" и како донација од Здружението за духовно обединување на Сетинци, Попадинци и Крушоради од Лерин. Станува збор за контроверзна историска личност чие поставување предизвика низа реакции во јавноста, Ќосето е познат како ликвидаторот на ВМРО.

Пред неколку недели се наврши една година од почетокот на пандемијата. Ковид-19 ги разоткри системските проблеми во здравствениот систем и другите институционални гранки на Косово.

повеќе

Ако не се претвориме во систем на вакцинални касти („Тргни ги твоите Астразенека-шепи од мојот Фајзер-дедо“), може да застраниме кон вакцинални пасоши со сомнителна валидност („Врвката на оваа пропусница не е во нијанса одобрена од СЗО!“).

повеќе

Освен неколку изолирани обиди, повеќето луѓе не реагираат кај институциите и не бараат одговорност. 

повеќе