Разно

Во прилепската касарна „Мирче Ацев“ вечер од 18 часот почнува одбележувањето на 21-годишнината од загинувањето на 10 припадници на АРМ. На 8 август кај месноста Карпалак 2001 година армискиот конвој беше нападнат од заседа и загинаа 10 прилепски резервисти.

Македонските шуми минатата година претрпеле катастрофални штети, при што најновите податоци објавени од Државниот завод за статистика (ДЗС) покажуваат дека уништувањето на шумите лани не било единствено од пожари, туку и од зголемената бесправна сеча на дрвја, како и од елементарни непогоди и штети врз шумите што ги предизвикуваат инсекти, пишува Мета.мк.

Пожарот што вчера попладнево избувна во околината на Прешево во соседна Србија е видлив и во Куманово. Според пишувањата на српските медиуми, опожарени се 50 хектари борова шума. 

Времето во Македонија денеска ќе биде сончево и многу топло со мала до умерена, а попладне на места зголемена облачност.  Ќе дува слаб до умерен, на места повремено засилен северен ветер.

Откако во неколку наврати не добивале никаков одговор од надлежните во Општина Маврово Ростуше, претставници на Месната заедница Маврово се обратиле и до Народниот правобранител и добија некаков одговор. Се работи за планирана нова зграда, шестокатница, пред училиштето во селото. Мештаните добија само ветување дека инвеститорот ќе мора да направи одредени корекции. Мештаните се незадоволни.  

Интензитетот на сообраќај на патните правци надвор од градските средини е зголемен. На ГП Табановце времето на чекање за влез и излез од државата е од 40 до 60 минути, а на ГП Богородица време на чекање за влез и излез од државата е околу 30 минути.