Разно

Негувателките и воспитувачките пред се во новите градинки се обучени за работа со деца со нетипичен развој за нивна инклузија и имаат плата како за службеник кој работи со лица со попреченост, изјави министерката за труд и социјална работа Мила Царовска при посетата на Брвеница каде се гради нова градинка.

Ретки се младите луѓе, особено во земјава, што не се жалат дека немаат државна работа и лагоден живот со често пиење кафе во градските кафулиња. Младиот Горанчо Бошков е еден од малкутемина кои одлучиле да ја продолжат семејната традиција и да егзистираат од сточарство, а поголемиот дел од животот да го поминуваат во планина. Во изјава за МИА, тој ни кажа дека не се чувствува хендикепирано што не е постојано во центарот на тиквешките збиднувања.

Група активисти од Тетово поставија табли низ градот со цел да укажат на лошата еколошка и инфраструктурна состојба во градот и со желба да повикаат на колективна одговорност за состојбата.
„Добродојдовте во Тетово, градот во кој на никому не му е гајле на ништо" е главната порака која што беше пренесена денеска преку поставените табли низ целиот град, јавиТетовоинфо.мк.

Денеска времето ќе биде сончево со умерена облачност и со слаб до умерен ветер претежно од југоисточен правец. Попладне претежно во планиските региони ќе има услови за изолирана нестабилност со пороен дожд и грмежи.

Времето денеска претпладне ќе биде сончево со мала до умерена облачност и со слаб до умерен јужен ветер. Во попладневните часови ќе има изолирана појава на краткотраен дожд со ретки грмежи.

Борачот Томе Коцев, спортскиот лекар Слободан Николиќ, кајакарот Атанас Николовски и фудбалерот Кочо Димитровски, легендата на ФК Вардар, се добитниците на државната награда „8 Септември" во областа на спортот. Наградата на добитниците денеска им беше врачена во Собранието на Република Северна Македонија. Николовски службено беше отсутен, а наградата ја прими неговиот син и дел од семејството.