Сочувство од Македонската алпинистичка федерација

Зоран Мајсторски и Драган Станишков се загинатите во трагедијата кај Бучим

Македонската алпинистичка федерација со неверување ја прими информацијата за несреќата во еден од силосите на рудникот „Бучим". Информацијата за трагедијата беше беше објавена вчера, а денес во тек е увидот на местото за да се утврдат причините. 

„Со длабока жал споделуваме дека смртно настрадани во несреќата се алпинистот Зоран Мајсторски и Драган Станишков од Радовиш. Искрено сочувствуваме со фамилиите на двајцата. Зоран Мајсторски беше еден од столбовите на Македонскиот алпинизам кој остави значителен алпинистички траг. Алпинистите од МАФ и алпинистичката заедница остануваат без драгоцен другар и непроценлив алпинистички потенцијал. Зоран Мајсторски вечно ќе остане запаметен преку неговите искачувања“, велат од Македонската алпинистичка федерација. 

Јавен обвинител од Основното јавно обвинителство Радовиш заедно со увидна екипа, кримтехничар од Министерството за внатрешни работи и инспектори за труд и безбедност при работа извршија увид во рудникот Бучим, работна единица Флотација, денес се на увид на местото. 

Според првичните сознанија, стои во соопштението од Службата за односи со јавноста при Јавно обвинителство на Република Северна Македонија, до несреќата дошло при чистење на два силоси, високи по 25 метри, со дијаметар од 17 метри, во кој се складира руда. Починатите, жители на Радовиш, членови на алпинистичкото друштво „Плоча", на возраст од 20 и 45 години, се појаснува, биле ангажирани со договор помеѓу две правни лица за специфична услуга за чистење на силосите полни со руда.

„Во текот на увидот, по дадени насоки и наредби од обвинителството, извршено е фотографирање на самото место на настанот. Обезбедени се затекнатите траги и предмети. Идентификувани се и извршен е разговор со лицата присутни на местото на настанот. Обвинителството издаде наредби за обезбедување на техничката документација за силосите, целокупната документација за ангажманот на алпинистичкиот клуб „Плоча", правилниците за работа на работната единица Флотација. Издадена е и наредба за вршење на обдукција на телата на починатите", се наведува во соопштението.

Забрането е работењето на тој дел од рудникот и ќе биде обезбедуван од полициски службеници, за да по дадена наредба од Обвинителството да продолжи со вршење на увид на самото место со присуство на техничка инспекција со рударски инженери.

Основното јавно обвинителство Радовиш презема и други дејствија за откривање на причините за несреќата.

Одлуките донесени од поранешната власт, како што се докажа, беа лоши.

повеќе

Сѐ поочигледно е дека наместо Заев да направи чистка и да замети, граѓаните ќе го изметат него и СДСМ.

повеќе

Можеби поради еуфоријата што ја донесе туризмот - и желбата на самите жители на Грција да уживаат во одморите - пошироката јавност беше подготвена да ги толерира дневните бројки на новозаразени (во просек помеѓу 2.000 и 3.000 случаи во текот на летото). 

повеќе