Законски измени и правилници за барањата на родителите на деца со попреченост

Во наредниот период ќе се работи на законски измени и правилници со коишто ќе се опфатат иницијативите и барањата на родителите на деца со попреченост, најавиле министрите за труд и социјална политика, Мила Царовска, за здравство Венко Филипче и за транспорт и врски Горан Сугарески денеска на средба во Владата со претставници на родителите.

Дел од инцијативите и барањата се зголемување на правото за попреченост, намалување на старосната граница за користење на персоналната асистенција, ослободување од партиципација на лицата со попреченост над 26 години и можноста за користење на лесно пристапни социјални станови. Во делот на барањата се и добивање на надстандардни ортопедските помагала за што министерот Филипче најави дека во тек се законски измени, соопшти владината прес-служба.

Оттаму истакнуваат дека Владата посветено работи на подобрување на условите за живот на сите лица со попреченост во државата. Минатата годината, потсетуваат, посебниот додаток за деца со попреченост беше зголемен за 15 проценти, надоместот за скратено работно време е покачен до 50 проценти од просечна плата, проширено е правото на користење на додатокот за попреченост и за лицата со интелектуална попреченост.  Со Закон за социјална заштита, родителот кој се грижи за своето дете до неговата 26 година без да биде институционализиранo и кој е невработен и не користи старосна пензија, има право на пензија. Ова право жените го остваруваат на 62 години, а мажите на 64 години возраст. Исто така, воведени се две целосно нови услуги- персонална асистенција и помош во домот.

Нашиот капацитет за справување со општи кризи е ограничен. Дали здравството е немоќно, или ние не можеме да се прилагодиме на промени?

повеќе

 За базата во Ново Село, Бугарија не добива ни долар за закупнина, а отворени се и бројни прашања за животната средина.

повеќе

Се поставува прашањето, дали треба да се жртвува слободата за сметка на жртвите кои се последица од вирусот, кој не можеме да го спречиме освен со строги санкции и мерки?

повеќе