Денеска

Во Охрид почнува 52. Летна школа на Меѓународниот семинар за македонски јазик, литература и култура

Седумдесет и пет стипендисти што го изучуваат македонскиот јазик, литература и култура, се учесници на 52. Летна школа на Меѓународниот семинар за македонски јазик, литература и култура што од денеска се одржува во Охрид.

Учесниците на собирот, странски студенти од прв циклус студии кои го слушаат предметот македонски јазик во рамките на студиските програми на своите универзитети; студенти на втор и трет циклус студии кои во своите истражувања проследуваат теми во врска со македонскиот јазик, литература и култура и научни работници и универзитетски професори кои истражувале или истражуваат проекти од областа на македонистиката, во рамки на школата ќе посетуваат лекторски часови поделени според нивото на познавање на јазикот и нивниот интерес на почетно, средно и напреднато рамниште за лингвисти или литерати. Во претпладневните часови секој ден ќе се одржува тематско предавање, а попладне ќе се одржуваат курсевите по избор на стипендистите-курсот за граматика на македонскиот јазик, оној за Македонската литература и култура и курсот за изучување на македонски народни ора.

Предавањата и курсевите ќе ги реализираат универзитетски професори и научни работници од повеќе единици во состав на Универзитетот Св. „Кирил и Методиј“ во Скопје. Лектори ќе бидат наставници и соработници од Филолошкиот факултет „Блаже Конески“ во Скопје, кои се обучени за одржување настава по македонски јазик како странски, согласно стандардите на Европската рамка за изучување на јазиците и кои ги користат методите и стандардите на Центарот за тестирање и сертифицирање на македонскиот јазик како странски.

Во рамките на Семинарот, на 23 и 24 август ќе се одржи 46. Меѓународна научна конференција на која македонските и странските експерти пред учесниците на летната школа ќе ги презентираат своите најнови истражувања од областа на македонистиката.

Минхенската безбедносна конференција, која со децении служеше како силен симбол на силата на западното сојузништво, оваа година покажа дека јазот меѓу сојузниците е поголем од кога и да е.

повеќе

Време е да се почне да се размислува што може да значи тоа.

повеќе

Ако сте скијач или бордер, зима, планина, снег, сонце и чист воздух веднаш ве асоцираат на авантура и хедонизам. Физичка активност, радост и умствено опуштање.

повеќе