УХМР

Во Маврови Анови со минус 5 степени најстудено во Македонија, во Крушево наврна најмногу снег

УХМР информира дека изутринава најниска температура од минус 5 степени имало во Маврови Анови, а потоа следат -4 на Попова Шапка, -2 во Крушево и -1 во Куманово и Дебар. Нула степени се регистрирани во Битола, Прилеп, Скопје-Зајчев Рид, Скопје-Петровец, Штип, Виница и Демир Капија, еден во Струмица, Охрид и Претор, два во Крива Паланка и Берово, три во Гевгелија и Дојран.

Најмногу снег има во Крушево, каде снежната покривка е 16 сантиметри, во Пожарене 15, во Ѓуриште 12, седум во Скопје-Зајчев рид, пет Скопје – Петровец, четири Битола, три Дебар, два Тополчани, а еден сантиметар снег има во Куманово.

Во изминатите 24 часа заклучно со седум часот изутрина најмногу воден талог е наврнат во Демир Капија, 38 литри на метар квадратен, по што следат Попова Шапка со 28, Битола, Крушево и Гевгелија со 26, Крушево со 25, Маврово, а Струмица и Скопје-Петровец со 18.

УХМР исто така информира дека утринава во прилепско има удари од северен ветер и до 40 километри на час. Во 7 часот снег е забележан само на Пожаране, над Полошката котлина.