Во Куќата на Уранија-МАНУ почна Охридската школа по природно право

Во Научниот и уметнички центар „Куќа на Уранијa” - МАНУ,  во Охрид, денеска започна трдиционаланата, петта по ред, Охридска школа по природно право, која ќе трае до 7 јули, како дел од традиционалната манифестација - „Научната и уметничка визита на МАНУ – Охрид 2019” .

На годинешната школа ќе се дискутира за „Предизвиците во реформата на правниот, политичкиот и безбедносниот систем во Република Северна Македонија“. На отворањето на Охридската школа по природно право, прв се обрати Челси Шинор, правен советник на Амбасада на САД Скопје, кој ја потенцираше важноста и потребата од функционална правна држава, како неопходност за остварувањетом на граѓанските права и слободи.

Поздравно обраќање имаше и академик Таки Фити, претседател на МАНУ, додека во името на Владата, на отворањето се обрати и учесниците ги поздрави Арбер Адеми, министер за образование и наука.

Охридска школа по природно право, продолжи со работниот дел ,под ментортсво  на  академик Владо Камбовски, раководител на Центарот за стратегиски истражувања при МАНУ.

Работата на Школата ќе се изведува до 7 јули, при што свои излагања ќе имаат врвни експерти од областа на правото, економијата и науката од земјава и регионот, како и претседателот на Собранието, Талат Џафери.

До крајот на јули, во рамките на Научната и уметничка визита – Охрид 2019,  ќе се  одржи изложба на стари фотографии од Курт Хејлишер, со почеток од 9 јули, потоа The Art of Power, оперска ноќ со Влатко Груевски – тенор и Андреја Наунов – уметнички соработник, пијано ( 15 јули), како и предавање на акад. Шабан Синани, потпретседател на Албанската академија на науките, на тема: „Кочо Рацин – Никола Ѓерѓ Миѓени, една балканска поетска паралела“ (26 јули).

Во рамките на летните активности на МАНУ, на истото место, во Куќата на Уранија во Охрид, на манифестацијата Научна и уметничка визита Охрид - 2019, која трае и во август, ќе се одржуваат научни средби, изложби и промоции на членовите и центрите на МАНУ.  

В. Митаноски

 

Силите на антиглобализацијата веќе стануваат доволно моќни да и зададат значаен удар на светската економија. 

повеќе

Не се соочуваме со вооружен конфликт, туку со војна на мисли. Чувството на страв, несигурност или територија по самоубиствен напад, никогаш повеќе не можеш да го вратиш.

повеќе