Го бараше црногорското Специјално обвинителство

Во Истанбул убиен Јован Вукотиќ, водач на Шкаљарскиот клан, кој имал македонски пасош

Во Истанбул е убиен Јован Вукотиќ, кој важи за апсолутен водач на криминалниот Шкаљарски клан. Веста за убиството ја пренесе црногорскиот медиум  Вијести.ме. Нарко босот имал македонски пасош на име Ѓорѓи Андонов, најверојатно добиен во полициската станица во Драчево, како што во повеќа наврати пишуваше МКД.мк. Bеројатно дека со тој пасош Вукотиќ и бил во бегство од органите на прогонот.

Фото: Вијести.ме

Вукотиќ во тајните списи на полицијата е дефиниран како апсолутен водач на шкаљарскиот криминален клан, а по него Црна Гора минатата година распиша потерница.

Тој во 2018 година бил уапсен во Турција, а потоа ѝ бил испорачан на Србија, каде Вишиот суд веќе за него имал донесено правосислна пресуда - затвор во траење од 15 месеци, заради користење на фалсификуван македонски пасош со негова фотографија.

Црногорското Специјално обвинителство го товари дека во декември 2020 година формирал криминална организација заради ликвидација на водачите на кавачкиот клан - Слободан Кашчелан и Радоје Звицер, а наводно ликвидациите биле нарачани преку криптирана Скај ЕЦЦ апликација.

Војната меѓу клановите започнала во 2014 година, кога во пристаништето Валенсија во Шпанија исчезнале 300 килограми кокаин. Прва жртва бил Горан Радоман, близок со шкаљарците, по што се нижеле и други убиства, а имало и четири случајни жртви.

Инаку, како што пишуваше МКД.мк, Интерпол за повеќе странски медиуми го потврди идентитетот на лицата од „македонската фабрика за пасоши за светските мафијаши" потврдувајќи дека повеќето се бегалци и се бараат со меѓународна потерница, но македонските пасоши и украдените идентитети им овозможиле непречено да патуваат. Бројката на криминалци од „белиот свет“ кои се стекнале со македонски пасош изнесува над 200 лица.

Toa беше и голема афера во Македонија, која доведе до апсење на повеќе лица, но прашање е дали се уапсени и главните организатори.

 

Легенда под Главна слика

Фото: Вијести.ме

Калоѓера не може да премолчи, не може да замиже пред историската вистина на Македонија, па затоа во својот живот се определил да македонствува.

повеќе

Слушањето како способност да го фокусираме вниманието на аудитивните дразби е важен аспект на нашиот живот и значително влијае на неговиот квалитет во сите сегменти.

повеќе

„Ќе дојде ден, кога пазарите отворени за трговија и размена на идеи, ќе бидат единствените борбени полиња“ - Виктор Иго

повеќе