Википедија на македонски јазик ја надмина бројката од 100.000 статии и три милиони прегледи месечно

Со статијата „Среден клеточен волумен", Википедија на македонски јазик го надмина бројот од 100.000 статии, што претставува јубилеен успех на најголемата енциклопедија на македонски јазик.

Википедија е слободна енциклопедија која секој може да ја уредува, основана на 15 јануари 2001 година, а на македонски јазик е достапна од август 2003 година, иако заедницата на активни корисници е создадена во 2005 година. Содржините низ текот на годините ги имаат пишувано уредници со различни занимања и знаење од различни области, вклучително и студенти, универзитетски професори и научни истражувачи. Најголем дел од содржините се плод на макотрпната работа на околу 15 многу активни уредници, кои месечно придонесуваат со повеќе од 100 уредувања кон проектот.

„Содржините на проектот се разновидни и се поткрепени со веродостојни извори во облик на пишана литература и интернет-страници на повеќе јазици. Голем дел од статиите се илустрирани со слободни слики и фотографии, а некои содржат и слободни видео и аудио-записи. Промените во статиите се прикажуваат веднаш, што овозможува енциклопедијата лесно да се прилагоди на развојот на некои значајни настани, како и на промените во биографиите на живите личности. Со повеќе од три милиони прегледи месечно, Википедија на македонски јазик е едно од најпосетуваните интернет-места во Македонија, а нејзините содржини се преземаат од страна на медиумите и се среќаваат во документарни филмови и текстови со научна содржина“, соопштуваат од Викимедија Македонија.

Википедија на македнски јазик, како што се наведува во соопштението, се соочува и со бројни предизвици, како што се веродостојноста и фактографската точност на содржините, недоволната покриеност на некои теми и нискиот број на активни уредници, а меѓу нив особено на жените, како и на научните работници. Во изминатите неколку години, активната заедница на проектот активни се залага за надминување на некои од овие проблеми, а забележителен е и значителен напредок.

Сега, кога нашата држава ја предводат анационални лидери, кога супериорната бугарска власт смрди од агресивен национализам, ќе биде тешко да се изгради цврсто пријателство.

повеќе

Иако Буџетот 2020 е популистички, сепак со цврстите ставови за отфрлање на субвенциите за возила и за промена на даночната политика на СДСМ, како и во идејата за понатамошно отворање на Министерството за финансии се наѕира дека Ангеловска знае што прави.

повеќе

Да се стави точка на великобугарскиот шовинизам е насловот позајмен од едно писмо напишано во јули 1946 година од Илинденската организација до Владата на слободна Македонија.

повеќе