УХМР

Утрово минусни температури во цела држава, освен во Гевгелија

Во целата држава утринава се измерени температури под нулата, освен во Гевгелија каде температурата е два степена над нулата.

Според мерењата на Управата за хидрометеоролошки работи, најстудено е во Битола каде се измерени -13 Целзиусови степени по што следуваат Крушево со -11 и Берово, Претор и Дебар со -9 степени. Во Тетово, Охрид, Прилеп и Пожаране утринската температура е -8, во Ѓуриште -7, во Крива Паланка и Виница -6, во Струмица и Куманово -4 и во Скопје на Зајчев Рид, во Штип и во Демир Капија -2 степена.

Најмногу снег има наврнато во Битола 28 сантиметри. Во Крушево висината на снежната покривка изнесува 13 сантиметри, во Охрид 12 сантиметри, а во Берово, Дебар и Претор седум сантиметри. Во Петровец кај Скопје се наврнати шест сантиметри, во Тетово – пет, во Крива Паланка, Штип, Прилеп и Пожаране -три, во Струмица два и на Зајчев Рид во Скопје, во Куманово  и Демир Капија само еден сантиметар.

За денеска синоптичарите најавуваат сончево и студено време со мала до умерена облачност. Ќе дува слаб до умерен ветер од северен правец, особено вдолж Повардарието. Кон крајот на денот ќе настапи зголемување на облачноста. Максималната температура ќе биде во интервал од -2 до 6 степени. Во Скопје слично време со максимална температура до три степени. 

Формирањето на платформа за прекугранична соработка за борба против аерозагадувањето има потенцијал вистински да придонесе за намалување на загадувањето на воздухот во нашата земја.

повеќе

 Еврообврзница во услови на најголемата светска економска криза за репрограмирање на долгот и буџетска поддршка.

повеќе

Повикот на Заев за „Влада за национален спас“ само три дена откако неговиот кабинет ја доби собраниската доверба, покажува дека таа тешко би се качила над сегашните 62 пратеници.

повеќе