Усогласени препораките за влез во ЕУ, одлука до утре попладне

Во претходниот предлог се вели дека бројот на новите инфекции треба да биде под 16, а сега е договорено пофлексибилно формулирање „да се задржи бројот близу или под“ просекот на ЕУ.

Фото: ЕПА

Главниот критериум за влез на државјани на трети земји во Европската Унија ќе биде бројот на новозаразени лица на 100.000 жители во тие земји, што мора да биде „близу или под просекот на ЕУ" во претходните 14 дена, е ставот што го усогласија амбасадорите на ЕУ.

Земјите-членки сега имаат рок до утре напладне да одговорат дали се согласуваат со договорениот текст на препораките што ги разговарале амбасадорите на земјите-членки во текот на изминатите неколку дена.

Амбасадорите ги утврдија критериумите врз основа на кои се составува список на трети земји од кои може да влезе во ЕУ.

Главниот критериум е бројот на новозаразени на 100.000 жители во последните 14 дена да биде „близу или под просекот на ЕУ“ на 15 јуни. На тој датум, просечниот број на нови инфекции во ЕУ на 100.000 население беше 16. Во претходниот предлог се вели дека бројот на новите инфекции треба да биде под 16, а сега е договорено пофлексибилно формулирање „да се задржи бројот близу или под" просекот на ЕУ.

Се бара стабилен или опаѓачки тренд на нови инфекции. Ќе се земат предвид и веродостојноста и достапноста на податоците во трети земји, како и мерките што овие земји ги воведоа за граѓаните на земјите од Европската Унија.

Овој критериум во моментов го исполнуваат 14 земји – Алжир, Австралија, Црна Гора, Канада, Грузија, Јапонија, Јужна Кореја, Мароко, Нов Зеланд, Руанда, Србија, Тајланд, Тунис и Уругвај. Кина исто така ги исполнува критериумите, но ќе може да влезе во ЕУ од таа земја доколку Пекинг ја укине забраната за граѓаните на ЕУ.

Списокот не е правно обврзувачки затоа што одговорноста за управување со границите е на земјите-членки, но е важна заради потребата земјите-членки да постапуваат на координиран начин.

Списокот и критериумите за влез се однесуваат на патувања што не се неопходни.

Граѓаните на земјите-членки на ЕУ, како и државјаните на трети земји што се легално жители на ЕУ и членовите на нивните семејства, се уште можат да влезат во ЕУ од трети земји. Ограничувањата не се однесуваат на одредени категории на лица, како што се здравствени работници, работници во погранични области, лица што работат на транспорт на стоки.

МИА

Легенда под Главна слика

Фото: ЕПА

Секој може да биде менаџер во „добри денови", но најчесто менаџерската работа не е за „добрите денови" туку постојан баланс помеѓу проблемите и можностите за оптимизирано управување на компанијата.

повеќе

Нека се соберат во Дојран, нека се договорат и нека нѐ известат. Сите други пак нека се спремаат за вистински избори во постпандемискиот период.

повеќе

Дали е аксиом дека со членството во НАТО е гарантирана безбедноста на Македонија? Дали почеток на преговори значи и отворен пат за членство во ЕУ?

повеќе