Спасовски апелира на внимателност

Телеграм ја затвори „Јавна соба“, отворена е нова слична група

Платформата Телеграм ја затвори групата „Јавна соба“ во која се споделуваа фотографии од девојки, а им беа украдени од профилите на социјалните мрежи со нивните лични податоци и мобилни телефони. Министерот за внатрешни работи Оливер Спасовски на Фејсбук потврди дека групата е затворена и апелеираше аа внимателност бидејќи на платформата Телеграм има и друга слична група. До сега за кривични дела во оваа група, приведени се четири лица, а се трага по останатите членови, како и по „главата“ на групата. 

„Од Секторот за компјутерски криминал и дигитална форензика ме информираа дека групата „Јавна соба" е затворена. Го поздравувам ваквиот чекор на платформата Телеграм и порачувам дека оние што го прекршиле законот ќе бидат казнети бидејќи ние целосно ги документираме случаите. Истовремено, апелирам за внимателност бидејќи на платформата Телеграм има и друга слична група и ние соодветно ќе постапиме и за членовите на оваа група. Сите што го кршат законот соодветно ќе одговараат“, соопшти Спаосвски. 

Денес премиерот Зоран Заев информираше дека dоколку апликацијата Телеграм не го затвори каналот „Јавна соба" каде се споделува порнографска и приватна содржина од наши граѓани, како и детска порнографија, ќе се разгледа и опцијата за блокирање или рестрикција на користењето на оваа апликација во државава. 

Реакција имаше и од Кабинетот на претседателот, Стево Пендаровски кој ги повика институциите овој случај побрзо да се реши. 

„Барам од надлежните институции соодветно да го истражат случајот, а престапниците да бидат гонети и казнети согласно законските прописи. Одговорност мора да има во најкус можен рок. Доколку не се дејствува сега, се создава можност за креирање на култура на неказнивост за кривични дела со кои се уништуваат животите на илјадници жртви. Како општество, секој од нас треба да покаже солидарност и поддршка на жртвите, да не дозволиме двојна виктимизација. Да дејствуваме веднаш!, вели Пендаровки, коментирајќи го случајот со „Јавна соба".

 

Во последните 30 години сите политички партии, независно од тоа колку демократски се претставуваат во своите програми, на државата гледаат како на инструмент, што е пак првиот сигнал, чекор кон авторитарност.

повеќе

Ако денес направиме една историска книжевна паралела, драмското дело на Стефановски ќе го квалификуваме како антологиски бисер, кого и сегашните и идните генерации ќе го чуваат како неодминлив столб на целокупната македонска драмска литература.

повеќе

За првпат во историјата на албанската демократија, една иста партија ќе биде на чело на земјата три последователни мандати. 

повеќе