Возете внимателно

Снежните врнежи направија проблеми, паднаа дрва на патот Пехчево – Делчево

Интензивните снежни врнежи создадоа проблеми на дел од патните правци во Пијанечко-малешевскиот регион. Поради обилниот снег од утрово забележани се паднати дрвја на коловозот од патниот правец Пехчево – Делчево, поради што надлежните од „Македонијапат“ апелираат на внимателно возење.

Во пехчевскиот крај во текот на ноќта имаше нови снежни наноси кои создадоа проблеми на дел од патот. Наши екипи интервенираа на неколку места каде има паднати дрвја кои го попречуваат движењето на возилата. Апелираме на внимателност на овој патен правец, каде од утрово на места се вози по снежни коловози, истакнаа од „Македонија пат“.

Додадоа дека на останатите патни правци засега нема поголеми проблеми, освен на патот Делчево – Кочани каде се можни одрони.

„Синоќешните одрони кои создадоа проблеми на возачите на овој патен правец се исчистени. Сепак. имајќи предвид дека во вакви временски услови тие се чести, им препорачуваме на возачите прилагодување на брзината на овој патен правец“, додаваат надлежните од претпријатието. 

Екипите на „Македонија пат“, како што додадоа, и понатаму остануваат на терен за отстранување ка накви било проблеми кои ќе бидат забележани на патот.

 

Во чест на Меѓународниот ден на трудот, вреди да се разгледа состојбата со работничките права во државата, да се направи краток осврт на изминатата година и да се согледа што може да се направи за да се насочат работите кон подобро.

повеќе

Таквиот вид на анахрон национал-романтизам, со речиси апологетски однос кон окупаторската политика на Бугарија во Втората светска војна, штетна е за хармонизација на односите на Балканот, пред сѐ на Бугарија со РСМ, но и со Србија.

повеќе

Некогаш да градиш на три континенти, а денес да не ја градиш сопствената држава.

повеќе