СЕММ и ОБСЕ објавија Конкурс за најдобри новинарски стории за инклузивно известување за различностите во време на Ковид-19

Советот за етика во медиумите (СЕММ), со поддршка од Мисијата на ОБСЕ во Скопје, објавува конкурс за најдобри новинарски стории за инклузивно известување за различностите за време на Ковид-19.

Како што се наведува во соопштението од СЕММ, повикот за апликации е отворен за сите професионални новинари и редакции во државата за стории објавени во периодот од 1 мај 2020 година до 1 мај 2021 година. Критериумите за наградите вклучуваат автентична и аналитична новинарска работа од поширок јавен интерес, која ги задоволува највисоките етички стандарди во новинарството. Пријавите може да бидат во каква било новинарска форма или жанр (текст, прилог, документарец, репортажа, интервју).

„Наградите за најдобри стории поврзани со известувањето за ранливите и маргинализираните групи за време на пандемијата на коронавирусот (Ковид-19) Советот за етика во медиумите (СЕММ) и Мисијата на ОБСЕ во Скопје ги доделуваат за да ги поттикнат новинарите во промовирање на концептот на еднаквост и интеграција на ранливите и маргинализираните групи граѓани преку професионална и етичка обработка на темите од јавен интерес“, стои во соопштението.

Авторите на најдобрите стории ќе ги добијат следниве награди:

-Прво место – ИТ опрема со противвредност од 800 евра,

-Второ место – ИТ опрема со противвредност од 600 евра

-Трето место – ИТ опрема со противвредност од 400 евра.

Новинари поединци и редакции можат да пријават до три (3) стории.

Конкурсот е отворен до 16 мај 2021 година.

Во чест на Меѓународниот ден на трудот, вреди да се разгледа состојбата со работничките права во државата, да се направи краток осврт на изминатата година и да се согледа што може да се направи за да се насочат работите кон подобро.

повеќе

Таквиот вид на анахрон национал-романтизам, со речиси апологетски однос кон окупаторската политика на Бугарија во Втората светска војна, штетна е за хармонизација на односите на Балканот, пред сѐ на Бугарија со РСМ, но и со Србија.

повеќе

Некогаш да градиш на три континенти, а денес да не ја градиш сопствената држава.

повеќе