На денешен ден

Пред 76 години беше извршен Ваташкиот масакр

На денешен ден, во 1943 година (пред 76 години) беше извршен Ваташкиот масакр, најголемиот злочин (заедно со Дабничкото клање) во времето на Втората светска војна во Македонија. Со намера да го спречи големиот подем на Народно-ослободителното движење во Македонија, а во рамките на Јунската непријателска офанзива, бугарскиот фашистички окупатор во месноста Моклиште стрелаше 12 младинци од селото Ваташа на возраст од 15 до 27 годишна возраст.

Во раните утрински часови во селото Ваташа беше извршена блокада на селотo, при што се уапсени 16 младинци и младинки и сите се спроведени во селската меана на Васил Хаџи Јорданов. Таму сите биле безмилосно тепани од страна на заменик полицискиот началник Петко Опреко, поручникот Борис Костов и двајца бугарски агенти. Еден од нив, Диме Чекоров со моторцикл бил однесен во полицискиот участак во Кавадарци. Потоа сите во колона по еден во придружба со силно воено обезбедување се однесени во месноста Моклиште, каде девојчињата се издвоени, а врз момчињата е отворен оган од митролези и пушки.

За масакрот во Ваташа пишува во Билтенот на ГШ на НОВ и ПОМ од септември 1943 година: „Младинците се изрешетани од куршуми од митролези, па се после избодени со бајонети, на некој им се исечени рацете и извадени очите, а притоа сите биле опљачкани“.

Поручникот Борис Костов кој раководел со овој злочин, со шмајзер во рацете од кој сѐ уште се чадела цевката им се обратил на преплашените девојки со зборовите: „Гледајте, гледајте и вас ќе ве најде истото“. Откако му реферирале за извршениот масакр за успешно извршената акција полковникот Љубен Апостолов восхитено рекол: „Тоа е тоа, страшни момчиња имам“.

Стрелачкиот вод кој учествувал во злочинот една година подоцна, на 13 јули 1944 година, бил целосно уништен од страна на партизаните кај село Страмашево. Поручникот Костов и Опреков биле ликвидирана по капитулацијата на фашистичка Бугарија.

Нивниот наредбодавец полковникот Љубен Апостолов бил уапсен во Бугарија и спроведен во Кавадарци каде Народниот суд во Монополот го осудил на смрт, а казната ја извршиле жителите од Ваташа и Кавадарци. Обласниот полициски инспектор Димитар Раев и агентот Борис Жуглов биле уапсени, осудени на смрт и стрелани. Бугарија дозволи овие злосторници да бидат фатени на нивна територија, уапсени и спроведени во Македонија. 

Извадок од делото на Петре Камчевски

Луѓето можете и ги задржите во сопствената земја - ако им е добро.

повеќе

ЕУ треба принципиелно да реагира на отворениот национал-шовинизам на бугарскиот парламент, се вели во отвореното писмо на македонски академици и професори до европретставниците во Македонија.

повеќе

Нашиот процес на преговори многу веројатно ќе биде предмет на уште построги критериуми и мониторинг имајќи ги предвид искуствата на земјите кои во моментот преговараат. 

повеќе