Помош од амбасадата на Франција за справување со кризата од ковид-19

За полесно справување со социјалните влијанија од кризата, француската амбасада обезбеди помош за Црвениот крст на град Скопје, за Гинеколошката клиника, а на здружението „ЛГБТ Јунајтед Тетово“ му додели грант од кој што дистрибуира повеќе од 200 пакети со храна, 100 маски за респираторна заштита и комплети за хигиена.

Амбасадата, како што соопштија оттаму, го поддржа и Црвениот крст на град Скопје со  помош за дистрибуција на 3.161 спакувани оброци, 2.450 комплети за хигиена и 2.350 други разни комплети кои биле поделени главно на лица со посебни потреби и семејства на самохрани родители.

Амбасадата, исто така предаде опрема за медицинскиот персонал на ЈЗУ Универзитетска Клиника за Гинекологија и Акушерство - Скопје, маски N95 и лична заштитна опрема за еднократна употреба, којашто итно им беше потребна.

Покрај тоа, со поддршка од амбасадата на Франција и Францускиот институт во Скопје, Универзитетската агенција за Франкофонија го прифати проектот на Медицинскиот факултет при Универзитетот Свети Кирил и Методиј од Скопје и неговиот Институт за биохемија во рамките на меѓународниот повик за универзитетски иницијативи за борба против пандемијата ковид-19. Овој проект, во висина од 20.000 евра, ќе овозможи да се направат значителен број серолошки тестови и да се набави заштитна опрема за вработените во здравствениот сектор.

 

„Новото нормално“ неизбежно со себе ќе носи неизвесност и страв бидејќи заканата од вирусот наѕира во позадина и не може да се искорени.

повеќе

„Шарената револуција“ беше енергија и граѓански порив за промени. Малку застранивме.

повеќе