Реакција на Македонскиот полициски синдикат

Полицајците немаат предрасуди во случаите на насилство врз жени

По вчерашниот протест на Платформата на родова еднаквост за „Јавна соба" и ставот дека жените не ѝ веруваат на полицијата, со реакција излегоа и од Македонскиот полициски синдикат како единствен репрезентативен сидндикат. Од таму велат дека се цврсто се уверени дека нивните членови полициските службеници имаат изграденo голем професионализам и интегритет во работење и тие во никој случај при своето професионално работење и постапување со граѓаните, не се водени од родовите стереотипи и предрасуди.

„Нема да дозволиме како синдикат, поедини случаи да бидат генерализирани и на тој начин да се навредуваат и омаловажуваат полициските припадници дека се непрофесинални, неетички, а најмалку дека се родово несензибилизирани или во рамките на своите полициски постапувања и овлстувања истите се водени од прерасуди и стереотипи. Македонскиот полициски синдикат во континуитет работи на заштита на правата на полициските службеници и нивните секојдневни обврски кои истите ги имаат во извршувањето на службените задачи и во никој случај нема да дозволи на ваков начин истите да бидат омаловажени и навредени. Колку за потсетување сведоци сме и свесни сме дека полицаец го загуби животот при интервенирање по пријава за семејно насилство во Куманово. За жал можеме да констатираме дека на ваков начин докажуваме дека полициските службеници по секоја пријава постапуваат и преземаат мерки кои понекогаш имаат и трагичен крај", реагираат од Македонскиот полициски синдикат.

Од таму стојат зад ставот и потенцираат дека нема потреба од дополнителни правни акти во МВР за уредување на санкционирање во случај на семејно насилство, затоа што доколку другите институции надлежни за справување и заштита на жртвите од семејното и родово базираното насилство би биле „законски уредени и подредени“ како што е тоа правно и институционално регулирано во МВР, тогаш со сигурност тврдат дека насилниците ќе бидат соодветно санкцинирани.

Предложеното законско решение се фокусира на аудиовизуелниот/радиодифузниот сектор, игнорирајќи ги последниве две децении на развој на дигиталниот домен и на интернет, со сите негови позитивни и негативни страни.

повеќе

Според последното истражување на организацијата ПИНА, базирано врз анкети направени со 103 новинарки, 24,1% од новинарките добиле закани за физичко насилство, а 19,5% и закани по животот.

повеќе