На вливот на реките во Охридско Езеро

„Подводна еко патрола” на нуркачите од Центарот Амфора

Градежен шут, пластични шишиња, метални канти, автомобилски гуми, разна облека… пронајдоа нуркачите од Нуркачкиот центар Амфора кои успешно го реализираа проектот „Подводна еко патрола”.

Како што соопштија од Центарот, целта на овој проект беше да се детектираат вливовите на реките преку кои најмногу се загадува Охридското Езеро со цврст отпад. Притоа биле опфатени реките Черава, Грашница, Далјан и Сатеска.

„Состојбата со вливот на реките во езерото е алармантна. Овој проблем е одамна познат во пошироката јавност. Има присуство на големи количини отпад во форма на градежен шут, пластични шишиња, метални канти, автомобилски гуми, разна облека... 

Нуркачите од Амфора оваа состојба ја евидентираа со подводно фотографирање и снимање, а изработија и карта со загадени зони, односно црни точки”, се наведува во соопштението од Нуркачкиот центар.

Оттаму додаваат дека бидејќи цврстиот отпад доаѓа во најразлични форми и габарит, потребно е сеопфатно решение на овој фундаментален проблем, а постојат неколку практични решенија кои можат да се применат на вливовите. 

Меѓународниот нуркачки инструктор Јован Секулоски има неколку предлози за наједноставно справување со овој проблем се. 

1. Мрежна структура за зафаќање на отпадот која ќе се протега на ширината на вливовите, а потоа ќе се управува од копно или пловен објект.

2. Кит за чистење реки - иновативно решение засновано врз принципот на колекторска мрежа чија цел е да го акумулира отпадот кој лебди или е полупотопен и функционира како природна брана.

Инаку, овој проект е финансиран од Одделението за спорт во Општина Охрид. 

 

Насловот асоцира и на резултатите од изборите, кои, кога ќе излезе оваа колумна, ќе бидат познати, иако најретко споменуван збор во кампањата беше зборот ДЕЦЕНТРАЛИЗАЦИЈА, кој е единствен начин за остварување на сите „големи“ ветувања што ги слушнавме изминативе две недели.

повеќе

Опонентите на академик Блаже Ристовски во Македонија го квалификуваа како националист, во белградскитe кругови  го именуваа како „бугарофил“, а во Бугарија го нарекуваа „Југословен“ и „србокомунист“. А тој си остана ист, исправен пред нападите и секогаш подготвен да им одговори на критичарите.

повеќе

Ентузијазмот во првите месеци од годинава во врска со масовната вакцинација беше таков што Србија во март беше прва меѓу европските држави според бројот на граѓани што примија втора доза на милион жители. 

 

повеќе