Почина Илија Цветаноски, поранешен прв човек на Црвен крст

По кратко боледување вчера на 77-годишна возраст почина поранешниот претседател и генерален секретар на Црвениот крст, Илија Цветаноски. Тој беше претседател на Црвениот крст на Република Македонија од 1996 до 2001 година и генерален секретар на Црвениот крст на Република Македонија од 2001 до 2004 година. Со Цветаноски денеска се збогуваа неговите најблиски од семејството, роднините, пријателите и волонтерите на Црвениот крст.

„Со голема тага ја примивме веста дека не напушти една од личностите која даде посебен придонес во развојот на нашата организација. Илија Цветаноски одбележа еден посебен период во работата на Црвениот крст. Од својата најрана возраст па се до крајот на својот живот почитуваниот Илија Цветаноски неуморно се залагаше и волонтерски придонесуваше за развојот на Општинската организација на Црвен крст Прилеп, а долги години беше претседател на една од нашите најуспешни организации – Општинската организација на Црвениот крст Прилеп“, се вели во обраќањето на Генерален секретар на Црвентио крст, Саит Саити.

Успехот и залагањето, иновативноста и креативноста, како што вели, набргу го промовираа Цветаноски како еден од лидерите во организацијата. Во периодот од 1996 до 2001 Цветаноски е претседател на националното друштво, а потоа работи како генерален секретар на Црвениот крст од 2001 до 2004 година.

„Во текот на своето работење како претседател и генерален секретар на Црвениот крст секогаш беше пример за човек кој неуморно се посветуваше на развојот на нашата организација и беше пример за многу наши генерации на волонтери како се сака и помага Црвениот крст во интерес на луѓето кои ги опслужуваме. Денеска е тажен ден. Се збогуваме со голем волонтер и пријател кој го посвети речиси целиот свој живот на хуманизмот и хуманитарната работа. На сите нас во Црвениот крст нѝ беше голема чест и задоволство што имавме можност заедно да соработуваме со Илија Цветаноски“, се вели во обраќањето на Саити.

Зголемувањето на цените на храната се случува од причини кои се многу посложени отколку зголемувањето на другите цени, така што справувањето со тие причини бара различни стратегии. 

повеќе

Оние кои што најмногу сакаат карикатури засновани на црн хумор, имале највисоки мерки на вербалните и невербалните тестови на интелигенција, односно потребна е извесна интелигенција, добро расположение и смиреност да се препознае и ужива во црниот хумор, покажуваат истражувањата.

повеќе

Засега нема причина за паника, но треба внимателно да му пристапиме на наративот дека омикрон предизвикува лесна форма на КОВИД-19 која побрзо ќе доведе до крај на пандемијата.

повеќе