По укажувањата од Министерството за транспорт

Општината Маврово Ростуше ќе го раскине договорот за земјиштето за спорниот објект

Општината презема активности за еднострано раскинување на договорот за што е информирано и државното правобранителство за понатамошно постапување. Ова е дел од известувањето на општината Маврово Ростуше до месните заедници од Маврово (Леуново, Ниќифорово, Маврови Анови, Врбен...) на нивното барање за раскинување на договорот за купување на државно земјиште на кое наводно било планирано да се изгради џамија.

Се работи за парцела од 2.607 квадратни метри купенa од државата по цена од 251 денар за квадратен метар. Парцелата е под патот, пред влезот во Маврови Анови, а договорот меѓу Незир Сулејмани и Република Македонија, преку тогашниот градоначалник на Општина Маврово Ростуше Мукрем Мехмеди е потпишан на 10 јули 2012 година.

Министерството за транспорт и врски уште во март годинава му наложило на Mедат Куртовски, градоначалникот на Општина Маврово Ростуше да го раскине договорот со купувачот на парцела во Маврово на која наводно требало да се гради џамија.

Купувачот на ова земјиште имал обврска на парцелата да изгради објект со намена А4 домување-времено сместување (хотели и пансион), согласно Урбанистичкиот план за таа парцела. Но, купувачот не ги почитувал роковите за добивање одобрение за градење, ниту пак на оваа парцела е почната изградбата.

Во март годинава на собирот на жителите на Леуново, Ниќифорово, Врбен, Маврово, населбата Маврови Анови се проширила информацијата дека некој тука сака да изгради џамија. Оваа информација неофицијално им била потврдена и од претставници на Одделението за урбанизам на општината.

 

Министерството за финансии во изминатиот период активно работеше на реформа за унапредување на фискалната децентрализација, која нуди сериозно системско решение за стабилни финансии на општините кои ќе значат одговорни општини и испорака на квалитетни и ефикасни услуги за граѓаните. 

повеќе

Либералната империјалистичка доктрина на Америка е одговорна за ужасниот масакр во места како Виетнам, Ирак и Централна Америка. Но Америка, исто така, произведе либерална антиимперијалистичка доктрина што останува затскриена во една ТВ-серија што ја восхитува американската публика уште од 1966 година.

повеќе

Граѓани, бегалци, мигранти, веќе не ни е важно – се чини дека никој не гледа светла иднина за себе во Албанија.

повеќе