Од денеска и за грчките острови важат истите правила како и за влез во Грција

Речиси истите правила и предуслови што важат за влез на странски туристи во Грција, поседување сертификат за вакцинација или потврда за прележан ковид или негативен тест, од денеска важат и за патувањата на грчките острови, без оглед дали е со брод или авион, јави дописничката на МИА од Атина.

За патување со сертификат за вакцинација, потребно е да се поминати 14 дена од ревакцинацијата, а признати се и европскиот дигитален сертификат и сертификатите од трети земји.

Оние кои прележале ковид-19, може да патуваат со соодветна потврда, издадена 30 дена по првиот позитивен тест и со важност 180 дена од позитивниот тест.

Другите пак, кои не се вакцинирани, ниту пак прележале, потребно ќе биде да направат или ПЦР тест до 72 часа пред патувањето или рапид тест 48 часа претходно.  И во овој случај, Грција ги прифаќа и тестовите од други земји, доколку потврдата за негативен резултат од тестот е на грчки, англиски, француски, германски, шпански, италијански или руски јазик.

Децата до 12 годишна возраст (родени по 1 јули 2009 година), ќе патуваат слободно, а за оние од 12 до 18 години, потребен е каков било тест, вклучително и селф тестот, односно тестот за домашна употреба.

За враќање од островите, заменик- министерот за цивилна заштита на Грција Никос Хардаљас, во четвртокот рече дека постои препорака сите над 12 годишна возраст да прават селф тестови.

Досега, на островите, можеше да се патува и со направен тест за домашна употреба, откако граѓаните, резултатот го пријавуваа на специјален сајт.

Освен неопходните документи поврзани со ковид-19, за патување со брод на грчките острови, задолжително е и пополнување на специјален формулар.

Под менторство на овој истраен истражувач, научник и педагог, се развивале и се формирале многумина трудбеници и афирматори на македонското културно наследство.

повеќе

Ковидот нема да нѐ победи. Да зборуваме за раст и развој, за подобар и забрзан раст, за паметен и зелен развој.

повеќе

Размислуваме како можеме да ја заштедиме и заштитиме водата, но само додека немаме вода!

повеќе