Време

Облачно со врнежи од дожд и засилен ветер

Денеска времето во Македонија ќе биде облачно со врнежи од дожд, пообилни во вечерните и ноќните часови. Ќе дува повремено засилен југоисточен ветер (со брзина и над 60 км/час), особено изразен вдолж Повардарието, како и на повисоките места и на планините.

Дневните температури ќе бидат во Скопје 17 Целзиусови степени, Маврово 10, Охрид и Битола 15, Кавадарци и Крива Паланка 19, Берово 16, Дојран 18.

И утре времето ќе биде претежно облачно со врнежи од дожд и со повремено засилен југоисточен ветер. Пообилни врнежи се очекуваат во источните делови. Дневните температури ќе бидат во Скопје 18, Маврово 10, Охрид, Кавадарци, Битола и Дојран 17, Крива Паланка 13, Берово 12.