Реакција

O2 иницијатива: Собраниското мнозинство се подготвува за уште една легализација на бесправната градба

Што сакате да направите од оваа држава? Континуирана амнестија на криминал без крај, реагираат граѓанските здруженија на денешниот предлог на  Диме Велковски, пратеник на СДСМ за продолжување на рокот за легализација на бесправно изградените градби за уште пет години. Овој предлог во Собранието веднаш беше прифатен и беше ставен на дневен ред од владеачкото мнозинство со 60 гласа „за“, а против гласаа само двајцата пратеници на ДОМ, Маја Морачанин и Мирослав Богдановски.

„Оние кои беа гласни во минатото како опозиција против овој закон и неговите продолжувања, сега, после цели 10 години на сила на овој закон, некој бара да важи уште ни повеќе, ни помалку, туку 5 години. Само за потсетување, во процедура имаме предлог за нов закон за легализација на дивоградби, ама сега и стариов да се продолжел уште пет години.

Што сакате да направите од оваа држава? Континуирана амнестија на криминал без крај, зошто градење на диво е кривично дело со казна затвор од 3 до 8 години.

Утре предлогов ќе дојде на гласање. Ги повикуваме пратниците на ДОМ кои гласаа против овој предлог да не обезбедат кворум за оваа точка.

Ја поставуваме и дилемата, дали закон кој е на сила од 3.3.2011 и во чиј член стои дека ќе важи десет години, а тоа значи до денеска, 3.3.2021, може да се продолжи кога стапува вон сила. Законот од утре е вон сила.   

Ние, како и огромен број на граѓански здруженија сме против легализација на дивоградби, особено после 10 години од ваквиот процес. Се бориме за владеење на правото, а не за амнестирање на криминал.

И да, како што и претходно кажавме, нема да гласаме на избори за партиите кои гласаат и овозможуваат легализацијата на дивоградби да продолжи и ќе повикаме и другите да го направат истото. Доста е од амнестии на криминал“, повикуваат од граѓанското здружение О2 иницијатива.

Програмата за вакцинација во Бугарија може исклучиво да се окарактеризира како фијаско. 

повеќе

Вакцинирањето преку ред, слабата стратегија и лошата комуникација со јавноста ги обележаа првите месеци на вакцинирање во Хрватска која во моментов е близу дното на ЕУ во однос на процентот на вакцинирана популација. 

повеќе