И покрај забраната

Некој пак се обидува да увезе РДФ отпад во Македонија, вчера вратени 14 камиони од Богородица

Вчера на терминалот Гевгелија подолго време биле заглавени 14 камиони. Откако влегле во Македонија и било потврдено дека носат РДФ отпад, што од неодамна е забранет за увоз во земјава, тие биле вратени.

Од Царинската управа ги потврдуваат овие информации и додаваат дека камионите останале на терминалот сѐ додека не извадиле дозволи за транзит и влез во Грција.

„Камионите се вратени и од Царинската управа не им беше дозволен ни влез ни транзит низ Македонија“, велат во одговорот на прашањето на МКД.мк.

Откако камионите биле вратени, познавачите за МКД.мк коментираат дека сега тие 14 камиони ќе отидат до пристаништето во Солун, товарот ќе се префрлел во контејнери, и со сменети фактури РДФ-отпадот ќе тргнел пак кон Скопје. Се претпоставува дека товарот на овие 14 камиони бил од Италија.

За тоа кој бил увозникот и за која компанија бил наменет овој отпад сѐ уште чекаме одговор од Царинската управа.

РДФ отпад (Refuse derived fuel) е гориво произведено од раздробени отпадоци од гума, текстил, кожа, пластика, хартија...

А.Д.

Во Македонија само 1% од младите професионално се занимаваат со спорт, 7% спортуваат аматерски, додека 42% спортуваат рекреативно или практикуваат физичка активност во вид на хоби и рекреација.

повеќе

Нашето законодавство дава поголема важност на едно парче хартија отколку на вистинската состојба на терен.

повеќе

Еве што знаат мнозинството Македонци и Бугари родени до 1980 година.

повеќе