Протест поради загадувањето

Не може 1,5 милион евра да трошите против загадувањето, а 2 милиони за патни трошоци

Поголема група на граѓани во организација на иницијативата „Канцерогено општество" денеска пред Собранието и пред Владата протестираа поради загадувањето.

,,Ставете налепници на тешката индустрија”, ,,Парите ги потрошивме за инхалатори место за точаци” „Четворица дневно умираат чекајќи чист воздух“, се само некои од транспарентите што може да се видат на протестот.

Протестот го организира иницијативата „Канцерогено општество“, а почна околу 13 часот пред Собранието на РМ. По околу 40 минути граѓаните се упатија кон Владата каде ги искажаа своите барања.

Меѓу барањата кои ги испорачаа се свикување итна владина седница, вклучување експерти и граѓански сектор во контролите кон големите загадувачи.

Владата и институциите да престанат со т.н. решенија против загадениот воздух кои дирекно удираат по џебот на најсиромашните, а крупните капиталисти и најголемите загадувачи остануваат недопрени, порачаа активистите.

„Не може со 1.5 милион евра буџетски средства да го исчистите најзагдениот град во светот, а вашите патни трошоци да бидат два милиони евра годишно“, Изјави Кристијан Узунов од иницијативата „Канцеоргено општество“ на денешниот протест против загадувањето. 

Според Давор Врговиќ, исто така активист во „Канцерогено општество“, барањата на граѓаните треба да се надополнат и подобрат од страна на експерти. „Очекуваме некој од Владата да не прими и да не сослуша. Останува да видиме како ќе одговорат на нашите барања. Потоа, дополнително ќе утврдиме како би дејствувале понатаму“, изјави Врговиќ.

Протестот беше закажан и на социјалните мрежи под слоганот „Мртво општество, не!!!“. 

 

Тоталното разочарување од сите мејнстрим политички елити, вклучувајќи ги и зелените, континуирано води кон отуѓување на граѓаните, за што доказ е се помасовното бојкотирање на изборните процеси.

повеќе

Помина времето кога политиката беше „шаховска борба“ на политичките актери, која неретко се одвиваше далеку од очите на јавноста и беше доста неразбирлива за обичниот гласач. 

повеќе

Државата треба повеќе да се вклучи во промовирање на младинско претприемништво како економска активност која би помогнала за намалување на невработеноста.

повеќе