По обвинувањата за вршење на мобинг врз вработените

„Не изигрувај локален шериф“, му порача Заев на градоначалникот на Лозово

Премиерот Зоран Заев денеска му порача на градоначалникот на општина Лозово, Ацо Велковски да не изигрува локален шериф. Ваквата изјава на премиерот следи откако медиумите објавија неколку пати дека вработени во општината се жалат на мобинг од страна на општинската управа.

„Мојата порака е таа која што секогаш ја давам, а тоа беше уште првиот момент кога најголем број од градоначалникот кандидирани и поддржани од СДСМ победија „Да не ми изиграваат локални шерифи и достоинствено да им служат на граѓаните“. Оваа недела сигурно ќе реагираам зашто јас сум служител на сите наши граѓани и сакам да бидам секогаш во нивна заштита. Секако, граѓанин е и градоначалникот, но тој извршува сериозна и одговорна функција. Не знам детали, не можам да инсинуирам било што, но дефинитивно ќе се информирам за случајот и ќе дадам дополнително коментар“, рече Заев како одговор на новинарско прашање за случувањата во оваа општина. 

Сител вчера објави дека четворица членови на Дисциплинската комисија се мета на раководството на општината и против нив се поднесени дисциплински постапки.

Градоначалникот на општина Лозово, Ацо Велковски јавноста го знае по наградната игра по повод роденденот на Општината Лозово, каде главната награда – шпорет, ја доби неговата ќерка, како што кажа тогаш водителката – „без лажи и преваре".

Познат е и по ветувањето дека ќе ја вработи Атиџе Муратова од документарниот филм „Медена земја" и дека општината ќе ја финансира поправката на кровот од нејзината куќа.

Бидејќи многу луѓе на Хатиџе ѝ ветија многу нешта, а не исполнија ништо, освен фотографирање пред одење на Оскарите, младата кривопаланчанка Мариа Дибијаџо отвори страница за донации за хероината. Донаторите за возврат ќе добијат уникатни дизајнерски маици со ликот на Хатиџе.

Богатите држави мораат веднаш да донираат вакцини против ковид-19 на загрозените држави. 

повеќе

Можеби ни треба регистар на погрешни перцепции на граѓаните за криминалот и корупцијата во државата.

повеќе

Младите бараат подобар живот надвор од државата, бидејќи доаѓаат до заклучок дека приватните компании и странските организации им пружаат поголема поддршка и повеќе ги вреднуваат отколку сопствената држава.

повеќе