Центар за управување со кризи

Најкритично е во делчевско и пехчевско, пожарот кај Нов Истевник е во дијаметар од 15 километри

Уште се активни пожарите во Делчево, Пехчево, Свети Николе, Штип, Прилеп, Куманово, Валандово и Радовиш. Повторно гори и во Гостивар, а под контрола е ставен пожарот во Сарај, во атарот над селата Раовиќ и Буковиќ, информираат од Центарот за управување со кризи (ЦУК).

Според информациите за состојбата во 14 часот, во Делчево уште е активен пожарот во атарот на селото Нов Истевник, и е во дијаметар од 15 километри, а опожарени се околу 1.000 ха.

Во овој момент, најкритично е кај Света вода, меѓу селата Тработивиште и Разловци.

На терен интервенираат 60 припадници на Армијата, 22 припадници на МВР ЕБР, МВР Тигри со 24 припадници, ШС Голак Делчево со 25 вработени и четири теренски возила, ТППЕ Делчево со 12 пожарникари, две ПП возила и едно теренско возило, гранична полиција со четири теренски возила, МВР ПС Делчево со две припадници и едно теренско возило, ЈПКД Брегалница со пет вработени, 2 ровокопачи, теренско возило и едно возило со цистерна од еден тон, РЦУК Делчево со две вработени, ТППЕ Македонска Каменица со четири пожарникари со теренско возило, Црвен Крст Делчево со волонтери, ТППЕ од Р.Бугарија со шест пожарникари и едно ПП возило.

Во Пехчево, пожарот на м.в.Бајаз Тепе уште е активен кај селата Робово, Умлена и Чифлик. Опожарена е високостеблеста дабова и борова шума, нискостеблести растенија, смрека, стрништа и пасишта.

Поради силината на ветерот пожарот го префрли регионалниот пат Берово-Делчево и се движи накај селото Црник. Патниот правец е забранет за движење. ПП екипата од Словенија се распоредени во атарот на селата Црник и Негрево. Интернивенираа и хеликоптери. Пожарот околу с.Црник е ставен под контрола, а на терен е месното население заради контрола околу селото. Во моментот пожарот е и над селото Мачево, каде има распоредено екипи. Интервенираат вкупно сто припадници на Армијата, 20 Ренџери; – ШС Равна Река Пехчево со 30 вработени, со две теренски возила со цистерни и четири возила за превоз, ШС Малешево Берово со 15 вработени со две теренски возила со цистерни и две возила за превоз, ТППЕ Берово со седум пожарникари и три ПП возила; – БППЗ Скопје и ТППЕ Штип и Струмица со по едно ПП возило; – ПО ДЗС со четири вработени и едно теренско возило со цистерна, РЦУК Берово со две вработени, екипите од Бугарија со 20 пожарникари и три ПП возила,  ПП екипа од Словенија и 60 луѓе од месното население.

Пожарот кај селото Богословец во Свети Николе се уште е активен и опожарени се борова, нискостеблеста дабова шума и смрека на површина поголема од 200 ха.

Интервенираат ТППЕ Свети Николе со 11 пожарникари и три ПП возила, ДППД со шест пожарникари и две ПП возила.

Активен е и пожарот кој од селото Богословец се префрли кон селата Криви Дол и Доброшани во Штип. Кракот кон селото Добришани под дејство на ветрот го има сменето правецот и се движи кон река Брегалница. Кракот кој гори во близина на магацините на АРСМ во селото Криви Дол е под контрола на 30 војници и се работи на негово локализирање. Интервенираат ТППЕ Штип со 10 пожарникари со теренско возило; РЦУК Штип со еден вработен со теренско возило, ЈП Стипион Штип со вработен со теренско возило; АРСМ со 30 војници и со една цистерна.

Пожарот во атарот на селата Ракле – Никодин – Топлица во Прилеп е активен и е на непристапен терен. Пожарот во атарот на селата Дрен – Смолане е активен со јак интензитет. Постои опасност да биде зафатена и борова шума.

На двата пожари вкупно интервенираат ТППЕ Прилеп со 10 пожарникари со две теренски возила, АРСМ со 32 војници – ШС Црн Бор Прилеп со седум вработени и едно возило – Водовод и Канализација со 10 вработени – ЈКП Комуналец со осум лица. Од страна на ЕЛС Прилеп побарана е и воздушна подршка.

Пожарот кај селото Бељаковце во Куманово е активен и се движи кон селото Довезенце. Известени се и ШС Куманово и ДЗС Куманово. Интервенираат ТППЕ Куманово со 12 пожарникари и две ПП возила, АРСМ со 80 припадници и ШС Куманово.

Пожарот кај м.в.Погана во Валандово е активен, особено во делот непосредно пред ветерниците кај Богданци. Досега опожарена е површина од околу 1.350 ха. Интервенираат ТППЕ Валандово со две ПП возила и седум пожарникари, ШС Саланџак Валандово со 14 вработени; АРСМ со 30 припадници; ДЗС Валандово со седум лица; ЕВН Битола со седум вработени една цистерна за вода и едно теренско возило; ШС Кожуф Гевгелија со 33 вработени со три возила; ЈПКД Комунална чистота Богданци; 10 жители со еден трактор и два мотора од н.м.Казандол.

Во Радовиш во селото Погулево од 10:00 часот е активен пожарот, каде гори сува трева и нискостеблеста шума, а во близина има и фарми. Истиот брзо се шири поради ветер. Интервенираат ТППЕ Радовиш со 10 пожарникари и две ПП возила; ШС Плачковица Радовиш со две екипи.

Пожарот во атарот на селата Раовиќ и Буковиќ во Сарај во Скопје делумно е под контрола и на терен има екипи од БППЗ и НП Јасен, додека од ШС Караџица известуваат дека во 14:30 часот се испратат екипа од четири лица со цистерна. Екипите на НП Јасен се на терен и контролираат истиот да не се префрли во Националниот Парк. Интервенираат БППЗ со екипа; НП Јасен со вработени.

Повторно е активен и пожарот во Гостивар, во селото Пожаране. Таму интервенираат од ШС Шар Гостивар.

Освен тоа што муралите се моќно средство за комуникација, тие можат да бидат и предмет на манипулации, па и пропаганда, подигање тензии и продлабочување на недоразбирањата во БиХ.

повеќе

Процесот на донесување на буџетот ме потсетува на една изрека на поранешниот државен секретар на трезорот на САД, Џејкоб Лу (Jacob Lew) кој вели дека „Буџетот не е само колекција на бројки, туку израз на нашите вредности и аспирации“.

повеќе

Конески со голема дарба и со рационална мисла, создаде комуникативна поезија, создаде за македонските генерации образец на читлива литература.

повеќе