„Зелен фронт“ најавуваат нов протест

На 20 декември ќе се маршира за чист воздух

Остануваме на улиците за да ги потсетиме надлежните на нашите барања, затоа што ова е прашање на живот или смрт,  велат од т.н. „Зелен Фронт".

35 граѓански здруженија кои се дел од т.н. „Зелен Фронт" на 20 декември повторно ќе излезат пред Влада на протестен марш за чист воздух. Велат протестот ќе биде во исчекувањe на 31-ви декември кога истекува првиот рок за исполнување од нивните над 100 барања за чист воздух.
Времето и маршутата остануваат исти од претходниот марш. Во 17 ч. се тргнува од пред Министерството за животна средина, а крајната дестинација е пред Влада.
„Остануваме на улиците за да ги потсетиме надлежните на нашите барања, затоа што ова е прашање на живот или смрт, кое не смее да чека повеќе ниту момент!”, велат од „Зелен Фронт".
Кон крајот на минатиот месец 30-тина граѓански здруженија од цела Македонија и илјадници луѓе беа дел од најголем еколошки протест во земјата досега – „Маршот за чист воздух".
Од „Зелен Фронт" се децидни дека од ден на ден се борат за живот.
„Умираме илајдници годишно од загаден воздух. Мутираме, пренесуваме на поколенијата болести поради сеопфатната загаденост во која живееме, во која се раѓаат нашите деца. Белите дробови ни се зацрнети, иако не сме сите пушачи. Живееме во време на еколошка катастрофа", порачуваат тие во својата покана за маршот на Фејсбук.
O2 Иницијатива, Не Биди Ѓубре, Скопје Смог Аларм, Билка, Мој Воздух, Битола сака чист воздух, Eco Guerilla, Здравје пред профит во Центар се само дел од здруженијата и иницијативите кои ја предводат Зелената Револуција.

 

Јавните медиумски сервиси треба да бидат столб на демократските општества и примарен извор на информации за сите граѓани.

повеќе

Отповикот или импичментот на претседателот Доналд Трамп од страна на Претставничкиот дом покажува дека членовите на Конгресот на САД прво се партијци, а потоа Американци.

повеќе

Најпрво, важно е да се напомене дека поседувањето на оф-шор компанија не е нелегално само по себе. Во суштина оф-шор земјите нудат низа поволности како што се исклучително поволни стапки на данок. Всушност, некои од нив имаат нула стапка на данок. 

повеќе