Американски Институт Като

Македонија на 56. место според Индексoт за човекови слободи за 2019

Од вкупно 162 земји Република Северна Македонија е рангирана на 56. место според Индексот на човекови слободи за 2019 година на американскиот Институт Като. 

Во споредба со минатата година, земјава е рангирана на истото 56. место, но бележи раст на индексот за 0,07 индексни поени (од ланските 7,27 на овогодишните 7,34).

Индексните поени се одредени според 76 индикатори поврзани со личните и економски слободи во повеќе сфери, меѓу кои и владеењето на правото, безбедноста и сигурноста, потоа слободата на движење, на вероисповед, на здружувањето и граѓанското организирање, на изразување и на информирање, како и почитувањето на сопственоста, пристапот до финансиски средства, трговски слободи и регулацијата на работните и деловните односи.

На листата се рангирани вкупно 162 земји од целиот свет оценети со од нула до 10 индексни поени.

На врвот на листата се Нов Зеланд со 8,88 индексни поени, пред Швајцарија , Хонг Конг, Канада, Австралија, Данска и Луксембург, Финска и Германија и Ирска. 

На самото дно од 151. до 162. место се Ангола, ДР Конго, Етиопија, Иран , Алжир , Либија, Египет, Ирак , Судан, Јемен, Венецуела и Сирија.

Меѓу земјите од регионот, најдобро рангирана е Словенија на 35. место со 7,97 индексни поени, Хрватска на 37., Албанија на 38., Бугарија на 39., Црна Гора на 53., Босна и Херцеговина на 55., Грција на 57., Србија на 58. и Турција е на 122..

Гледано по региони, највисоки индекси на човековите слободи има во Северна Америка, Западна Европа и Источна Азија, а најниски на Блискиот Исток, Северна Африка, Подсахарска Африка и Јужна Азија.

Германската канцеларка Ангела Меркел, меѓу другите, беше гневна; Балканот помодре од бес. ЕУ сега се обидува да го натера Макрон да го тргне ветото пред Европскиот самит во март.

повеќе

Мојата заложба е конечно законите и прописите наместо инструмент за спроведување лични интереси, да ја добијат вистинската функција, заштита на интересите на граѓаните. За жал...

повеќе