Блокиран патот Струга-Дебар

Лабуништа, Октиси и Подгорци бараат затворање на каменоломите во Лабуништа

Жителите на струшките села Лабуништа, Подгорци и Октиси преку мирен протест и блокирање на магистралниот пат Струга – Дебар побараа затворање на каменоломите во Лабуништа.

Организатор на протестот е еколошкото друштво „Натура Лаб“ од Лабуништа, кое бара од ресорните министерства и Владата одземање или раскинување на концесиите во најкраток можен рок, со цел да се заштите населението од големото загадување предизвикано од ископите, како и да се спречи уништувањето на природните убавини.

Во моментот, според претседателот на „Натура Лаб“ Алим Салоски, во подножјето на планината Јабланица, селото во Лабуништа имало шест активни каменоломи, кои работат со лиценци и уште неколку што работат без дозвола.

„Јавно ги покануваме одговорните министерства и премиерот Зоран Заев да дојдат на лице место и да се уверат што се случува на терен. Бараме од градоначалникот на Општина Струга, Рамиз Мерко да каже и докаже на кој начин е издадена Б интегрирана дозвола за работа на каменоломите“, истакна Алиоски.

Жителите побараа и од АД „Илинден“ веднаш да престане со работа на терен и да ги повлече машините.

Доколку институциите не одговорат на барањата, месното население најави порадикални протести пред општина Струга, но и пред Владата на Република Северна Македонија.

Жителите на Лабуништа денеска ќе формираат и одбор за спас на селото, апелирајќи за брзо надминување на проблемот и неполитизација на настаните.

МИА

Тоа што е многу поважно е дека се работи за ПРЕТХОДНА проверка, а не за post festum ветинг.

повеќе

Како што расте бројот на оние кои објавуваат непроверени, лажни и злонамерни информации, така се зголемува и бројот на медиуми кои работат со проверка на факти и се борат за вистината во јавниот простор преку одговорно истражување.

повеќе

Единствена работа за која ние граѓаните не плаќаме данок, е воздухот кој го дишеме.

повеќе