„Прочка 2022“

Карневалско дефиле низ Прилеп по двегодишна пауза: змејови, рудари, тутунари...

Со повеќе од 500 учесници во групни маски на тутунари, индијанци, рудари, кинески змејови, Крали Марко, Џоломарите, жонглери и мажоретки, куклено шоу, магионичари... по двегодишна пауза започна карневалската магија во Прилеп, „Прочка 2022“.

Сите ти продефилираа во центарот на градот, а карневалот, традиционално го отворија прилепските мечкари, кои велат дека годинава биле најбројни, околу 50-тина учесници, Сега ги обновиле маските со нови кожи, ѕвонци добиле од фирмите и очекуваат целосна подготвеност маската да биде заштитена од УНЕСКО.

Како што информираше Ванчо Георгиев, претседател на здружението „Прилепски мечкари“ кое со локалната самоуправа го организира карневалот, оваа година 20-тиот по ред Прилепски карневал е со републички карактер.

„И оваа година како и претходните 20 години се собравме во центарот на Прилеп за да учествуваме на меѓународниот карневал ‘Прочка‘ кој оваа година е републички. Времето нѐ послужи, немаме дожд иако е облачно што значи дека голем број на посетители ќе ги видат нашите маски кои се одлични“, изјави Георгиев.

Градоначалникот Борче Јовчески го отвори карневалот и порача: „Скромно, но сепак во духот на вековната традиција и прилепските и македонски обичаи, со гордост денес го празнуваме празникот Прочка кој што од верски аспект претставува манифестација на искрената и пожртвуваната љубов кон ближните“.

Маските се креативни- традиционални, современи, поединечни и групни. Почетокот на дефилето го означија мажоретките и секако мечкарите кои го имаат својот ритуал на бркање на злите духови. Карневалот „Прочка 2022“ заврши со заедничка забава и концерт на групата ФОЛТИН на централната бина на плоштадот „Методија Андонов – Ченто“.

Утре, традиционално, Прилепските мечкари покануваат гости на посен ручек во манастирот „Свети Ѓорѓија“ кај Прилеп, означувајќи го почетокот на велигденските пости.

 

Со францускиот предлог на патот кон ЕУ македонскиот народ ќе ја изгуби историската тапија врз сопствената свест и наследство.

повеќе

Ако пак се натури овој бесмислен консензус на Франција, кој ги признава сите емоции на Бугарија, тогаш оваа неспособна власт ќе не одведе подлабоко од сегашниот амбис.

повеќе

Во новите предлози се направени само формални, но не и суштествени промени, во однос на претходниот предлог (кој Владата го нема објавено).

повеќе