Време

И денеска дожд, на планините снег

Денеска времето во Македонија претпладне ќе биде прoменливо облачно, попладне почнувајќи од запад ќе започнат врнежи од дожд, на планините од снег. Во вечерните и ноќните часови врнежите ќе се прошират насекаде и ќе се интензивираат, особено во западните делови каде на места ќе бидат поројни и проследени со силен југозападен ветер. На планините снежната покривка значително ќе се зголеми, а поради ветерот ќе има услови за појава на снежни наноси.

Утринската температура ќе се движи од 2 до 8, а дневната од 3 до 14 Целзиусови степени.

Во Скопје, прoменливо облачно, кон крајот на денот и во текот на ноќта со врнежи од дожд кои повремено ќе бидат со умерен интензитет. Ќе дува умерен до засилен ветер од југоисточен правец. Утринската температура ќе се спушти до 3, а дневната ќе достигне до 10 степени. Маврово 3, Охрид 9, Битола и Крива Паланка 11, Берово 10, Кавадарци и Дојран 14.

Утре ќе преовладува сончево време со умерена облачност и со умерен до засилен југозападен ветер. Кон крајот на денот и во текот на ноќта ќе има врнежи од дожд, на планините од снег, пообилни во западните делови. Поради продор на студена воздушна маса врнежите ќе преминат во снег и на некои од повисоките места. Снежната покривка дополнително ќе се зголеми, а поради засилениот ветер ќе има услови за појава на снежни наноси. Во вторник и среда ќе преовладува студено време со засилен северозападен ветер и со повремени врнежи претежно од снег.

Законот за високо образование јасно и прецизно ја пропишува постапката за избор во наставно-научни и соработнички звања на високообразовните институции во нашата држава-Македонија.

повеќе

На три месеци пред избори, Владата носи закони и уредби со катастрофални последици по граѓаните, што е просто неверојатно.

повеќе

ДУИ, која по конфликтот го вееше албанското црвено - црно знаме, потоа синото, на следните избори ќе го вее зеленото.

повеќе