ХЕРА: Нема евиденција за тоа колку девојчиња и жени со попреченост биле сексуално злоупотребени

По повод 3 декември, Светскиот ден на лицата со попреченост, во хотелот „Арка“ во Скопје се одржа трибина на тема „Унапредување на спречувањето и на сеопфатниот одговор во случаи на насилство и сексуална злоупотреба на лицата со попреченост, посебно на девојчињата и жените“.

Дискусијата е дел од кампањата под наслов „Нема оправдување – заедно против насилство врз жени и девојчиња“. Организатори на собирот беа здружението „Полио плус“ и ХЕРА – Асоцијација за здравствена едукација и истражување.

Дискутантките истакнаа дека насилството и сексуалната злоупотреба се потенцијална закана за секоја жена, но жените и девојките со попреченост, во таа смисла, се поранливи, во повеќе аспекти. Во тој поглед, претставничката на ХЕРА, Весна Матевска посочи неколку примери кога жртва се одважила да пријави во полиција, но тоа никако не отишло докрај, затоа што бил поставувани посебни услови за утврдување на веродостојноста на исказот. – Просто кажано, во тие случаи, службениците не ѝ верувале на жената што поднесува пријава, истакна Матевска.

Тоа, според Матевска, е една од најголемите пречки за водење реална евиденција. – Немаме точни податоци за стапката на насилство и сексуална злоупотреба на девојчињата и жените со попреченост. А и да сакаме да поведеме евиденција, немаме заверени пријави. Таквите пријави во голем број, едноставно се отфрлаат, додаде таа.

На дискусијата присуствуваа и Васка Бајрамовска-Мустафа, заменик народен правобранител, како и Весна Ивановиќ-Кастаред, претставничка на Канцеларијата на Телото на ОН за родова еднаквост и поддршка на жените (УН Жени).

„Од усвојувањето на Конвенцијата за правата на лицата со попреченост и нејзиното ратификување во земјава во 2006 година, направени се напори да се остварат нејзините заложби. За жал, како на глобално, така и на национално ниво, жените и девојките со попреченост се поранливи и поподложни на двојна или повеќекратна дискриминација врз основа на нивната попреченост, род, етничка припадност, возраст, место на живеење и слично. Со одбележување на Меѓународниот ден на лицата со попреченост, целиме да ја подигнеме свеста, а особено на жените и девојките за нивните права како и важноста од унапредување на превенцијата од сексуално насилство и зајакнување на мултисекторскиот одговор на давателите на услуги“, истакна Ивановиќ-Кастаред.

Мојата заложба е конечно законите и прописите наместо инструмент за спроведување лични интереси, да ја добијат вистинската функција, заштита на интересите на граѓаните. За жал...

повеќе