Грчки медиуми за синоќешната несреќа: Трагедија во Северна Македонија

„Трагедија во Северна Македонија“ е насловот што преовладува во текстовите објавени од грчките медиуми за вчерашната несреќа на автопатот Скопје – Гостивар.

Уште синоќа дел од медиумите во Грција објавија за страшната сообраќајна несреќа и првичната информација за петмина загинати, а во текот на вечерта ги обновуваа и ги дополнуваа текстовите, како што се зголемуваше бројот на жртвите, јави дописничката на МИА од Атина.

Утрово пак, медиумите ја преземаат и ја пренесуваат веста под наслов „Дводневна национална жалост во Северна Македонија за 14 загинати во превртување на автобус“, објавена од грчката новинска агенција АНА-МПА.

„Уште еден повреден им подлегна на повредите по превртувањето на автобус во близина на Скопје, со што бројот на починатите се зголеми на 14. Од околу 30 повредени што се хоспитализирани во болниците во Скопје, најмалку шестмина се борат за живот“, пишува АНА-МПА.

Во текстот е спомената синоќешната владина седница и одлуката денеска и утре да бидат денови на жалост, а пренесена е и изјавата на премиерот Зоран Заев.

Граѓаните сѐ повеќе ја согледуваат неопходноста од непартиска форма на самоорганизирање.

повеќе

Придобивките од дрвјата за урбаниот екосистем и квалитет на воздухот можат да се зголемат со систематско планирање на зелениот простор. Дизајнирањето на зелените простори во градовите треба да ја опфати и функцијата за чистење на воздухот.

повеќе

На Грците не им е важно дали вечно ќе ја нарекуваат соседната земја „Скопје“, или дали соседите утре сами ќе почнат да се нарекуваат „Република на Осамениот Бор“. Она што ним навистина им е важно е како ја нарекува остатокот од светот.

повеќе