Нема крај за дивоградбите околу Мавровското Езеро

Граѓаните пријавуваат, одобрение за градба нема, ама „Радика резорт“ си тера со планот за изградба на 87 нови вили

Сите знаат дека се дивоградби, на сите сѐ им е јасно, дозвола за градба нема, ама и утрово продолжува изградбата на деветте од 87 планирани куќи под хотелот Радика на Мавровското Езеро. Сопствениците на хотелот, компанијата „Радика резорт“ и покрај сите проблеми што ги предизвикува и со снабдувањето со водата во селото и во викенд населбата во Леуново и со загадувањето на езерото (отпадните води директно се излеваат во езерото), покрај веќе изградените 17, планира да изгради уште 87 куќи во забранетиот дел за градба.

И утрово продолжува изградбата, а има решение за уривање

Вчера од Државниот инспекторат за животна средина официјално соопштија дека од Општина Маврово и Ростуше добиле решение од септември годинава со кои се наредува отстранување на деветте типски објекти на „Радика резорт“ кои се во фаза на градба без соодветно одобрение за градба. Значи откако почнавме да пишуваме за овој проблем, за кој општината упорно молчи и не одговара на прашањата на МКД.мк, сепак преку ДИЖС дознаваме дека донеле решение за уривање и некакво признание дека нема одобрение за градба.

Инспекторите за животната средина информираа дека за ова ги известиле колегите од Државниот инспекторат за градежништво и урбанизам и бараат да биде спроведен инспекциски надзор.

Многу претходно, сите надлежни институции, и Општина Маврово и Ростуше и полицијата, и ЕСМ (Елекстрани на Северна Македонија) како надлежна компанија за Мавровското Езеро и градежни инспектори и министерствата за транспорт и врски и за животна средина... беа известени од Месната заедница Леуново за ова самоволие, ама никому ништо.

 

И уште е така. Никому ништо. Одобрение за градба нема, решение за уривање има, ама и утрово работниците продолжуваат со изградбата на девет од планираните 87 куќи под хотелот „Радика“.

„Што уште треба да направиме, кажете што! Ова никаде го нема. Вакво самоволие…“, револтирани се и жителите од месните заедници во Маврово и сопствениците на викендиците.

А.Д.

Можеби поради еуфоријата што ја донесе туризмот - и желбата на самите жители на Грција да уживаат во одморите - пошироката јавност беше подготвена да ги толерира дневните бројки на новозаразени (во просек помеѓу 2.000 и 3.000 случаи во текот на летото). 

повеќе

Насловот асоцира и на резултатите од изборите, кои, кога ќе излезе оваа колумна, ќе бидат познати, иако најретко споменуван збор во кампањата беше зборот ДЕЦЕНТРАЛИЗАЦИЈА, кој е единствен начин за остварување на сите „големи“ ветувања што ги слушнавме изминативе две недели.

повеќе

Опонентите на академик Блаже Ристовски во Македонија го квалификуваа како националист, во белградскитe кругови  го именуваа како „бугарофил“, а во Бугарија го нарекуваа „Југословен“ и „србокомунист“. А тој си остана ист, исправен пред нападите и секогаш подготвен да им одговори на критичарите.

повеќе