Денеска на места до 38 степени, до 9 индексот на ултравиолетовото зрачење

УХМР за денеска прогнозира горештина. Претпладне сончево и многу топло со мала до умерена облачност, а попладне на места ќе биде нестабилно со локален пороен дожд, грмежи и засилен ветер, локално ќе има услови за појава на невреме со појава на град и силен ветер. УВ=9. Во деновите од викеднот температурите се очекува секаде да бидат над триесетиот степен, а максималните на места ќе достигнат до 38 степени.

Во Скопје минималната температура ќе се спушто до 20 степени, максималната ќе достигне до 36 степени. Можно е попладне да заврне. Во недела не се очекува промена на времето.

И во понеделник, вторник и среда во земјава се очекуваат високи температури, а во среда максималната на југозападот од земјава може да се искачи и до 39 степени.