По вербалниот напад на директорот на топлана Скопје Север врз новинарка на МКД.мк

АВМУ: Функционерите треба да бидат свесни дека имаат одговорност за секој искажан збор

Агенцијата за аудио и аудиовизуелни медиумски услуги (АВМУ) најостро го осудува недоличниот однос на директорот на топланата Скопје-Север, Куштрим Рамадани кон новинарката Катерина Додевска на порталот „МКД.мк".

„Упатувањето вулгарни навреди во ниту еден случај не смее да биде начин на комуникација на носителите на јавни фунцкии, затоа што со самото прифаќање на позицијата нивната работа е предмет на надзор на јавноста и на потенцијално силна јавна критика преку медиумите. Истовремено тие треба да бидат свесни дека имаат одговорност за секој искажан збор и дека мора да се воздржат од секаков вид недолична и непримерна комуникација“, реагираат од АВМУ.

Од таму посочуваат дека попречувањето на работата на новинарите претставува загрозување на слободата и правото на информирање.

„Неопходно е на медиумските работници да им се овозможи професионално да си ги извршуваат своите обврски, пред сѐ, имајќи ја предвид нивната улога во отворањето прашања од јавен интерес и обезбедувањето транспарентност и одговорност на политичките и јавните органи“, пишува во реакцијата на АВМУ.

Калоѓера не може да премолчи, не може да замиже пред историската вистина на Македонија, па затоа во својот живот се определил да македонствува.

повеќе

Слушањето како способност да го фокусираме вниманието на аудитивните дразби е важен аспект на нашиот живот и значително влијае на неговиот квалитет во сите сегменти.

повеќе

„Ќе дојде ден, кога пазарите отворени за трговија и размена на идеи, ќе бидат единствените борбени полиња“ - Виктор Иго

повеќе